હેલ્થ ટિપ્સ / તમારું ઓશીકું પણ બની શકે બીમારીનું કારણ, તકિયાની એક્સપાઈરી ડેટ પહેલા તેને બદલવું જરૂરી

લોકો ગરદનને ટેકો આપવા અથવા સૂતી વખતે યોગ્ય મુદ્રા જાળવવા માટે ઓશીકાનો ઉપયોગ કરે છે. પરંતુ બેડ પર રાખવામાં આવેલા ઓશીકાની પણ એક્સપાયરી ડેટ હોય છે. જો તમે દર અઠવાડિયે અથવા દર બીજા દિવસે ઓશીકાનું કવર ધોતા હોવ તો પણ જો તમે તમારા સ્વાસ્થ્યનું ધ્યાન રાખવા માંગતા હોવ તો સમયસર ઓશીકા બદલો. દરેક ઓશીકાની એક્સપાયરી ડેટ હોય છે. તેને ઓળખવા માટે ફક્ત આ નાની બાબતો પર ધ્યાન આપો.

જૂનું ઓશીકું બની શકે છે આ સમસ્યાઓનું કારણ

• ઓશીકા પર માથું રાખીને સૂવાથી માથામાં રહેલું તેલ ઓશીકાના કવરની સાથે ઓશીકામાં શોષાઈ જાય છે અને પછી સતત તેલ શોષવાને કારણે અહીં સૂક્ષ્મજીવાણુઓ વધવા લાગે છે. જે સ્વાસ્થ્ય માટે હાનિકારક બને છે.
• રોગપ્રતિકારક શક્તિ થઈ જાય છે.
• જો તમને વારંવાર ઉધરસ અથવા શરદી થાય છે, તો એકવાર ઓશીકું બદલી નાખો.
• ચહેરા પર ખીલ વારંવાર થવું એ પણ ગંદા ઓશીકાની નિશાની હોઈ શકે છે.
• જાગ્યા પછી ગરદન અને ખભામાં દુખાવો થાય તો સમજી લો કે ઓશીકું તમારા સ્વાસ્થ્યને નુકસાન પહોંચાડી રહ્યું છે.

ઓશીકું ક્યારે બદલવું જોઈએ?

ઓશીકામાં પણ એક્સપાયરી ડેટ હોય છે. કોઈપણ ઓશીકું કે જેનો તમે દરરોજ ઉપયોગ કરો છો. તેને દર એકથી બે વર્ષે બદલી નાખવું જોઈએ. ઉપરાંત, આ રીતો દ્વારા તમે જાણી શકો છો કે તમારું ઓશીકું હવે બદલવા લાયક થઈ ગયું છે.

ઓશીકામાં ગાંઠ પડી જવી

મોટાભાગે, પરંપરાગત રૂના ઓશીકામાં સમય જતા ગાંઠ પાડવા લાગે છે. જો ઓશીકામાં રૂનો ગાંઠ બને છે, તો તેને બદલી નાખો.

વધુ વાંચો: કાળઝાળ ગરમી અને લૂથી બચાવશે 'ફાલસા', ખાવાના બીજા પણ ઘણા ફાયદા

ઓશીકું ફોલ્ડ કરીને ચેક કરો

ઓશીકું ગરદનની નીચે રાખવા માટે યોગ્ય છે કે નહીં તે નાના ટેસ્ટથી નક્કી કરી શકાય છે. ઓશીકું એક બાજુ ફોલ્ડ કરો અને અડધી મિનિટ રાહ જુઓ. ઓશીકા પરથી હાથ હટાવતા જ ઓશીકું સીધું થઈ જાય તો તેનો અર્થ એ છે કે તે સારું છે. પરંતુ જો ઓશીકું ફોલ્ડ સ્થિતિમાં રહે છે, તો તેનો અર્થ એ છે કે ઓશીકું બદલવાનો સમય આવી ગયો છે.