નવી સુવિધા / કેન્દ્રીય કર્મચારીઓને ભેટ, રાજધાન-શતાબ્દિ બાદ હવે તેજસ ટ્રેનોમાં કરી શકશે મફત મુસાફરી

• કેન્દ્ર સરકારે કેન્દ્રીય કર્મચારીઓને આપી રેલવેમાં મફત મુસાફરીની ભેટ 
• કર્મચારીઓ તેજસ ટ્રેનોમાં મફત અથવા સસ્તી કિંમતે કરી શકશે મુસાફરી
• ઓફિસના કામથી રેલવેની મુસાફરી કરવા પર મળશે આ સુવિધા 

કેન્દ્ર સરકારના કર્મચારીઓને ઓફિસ કામથી બહાર જવાની રેલવેની યાત્રા કરવી પડે તેમ હોય તો તેમણે હવે ભાડું ભરવું નહીં પડે. સરકારે તેના કર્મચારીઓને તેજસ ટ્રેનોમાં મફત અથવા ઓછા ભાવે એટલે કે સબસિડીવાળા દરે મુસાફરી કરવા દેવાની મંજૂરી આપી દીધી છે. જોકે ઓફિસ કામે જતા હશે તેને જ આવી મફતની મુસાફરીનો લાભ મળશે. 

નાણા મંત્રાલયે નોટિફિકેશન બહાર પાડ્યું 
નાણા મંત્રાલયે  નોટિફિકેશન બહાર પાડ્યું છે જેમાં જાણકારી આપવામાં આવી છે કે, તેજસ ટ્રેનોમાં હવે સરકારી કેન્દ્રીય કર્મચારીઓ ફ્રી અથવા ઓછી કિંમતે મુસાફરી કરી શકશે. મંત્રાલયની નોટિસ અનુસાર અધિકારીઓએ સત્તાવાર પ્રવાસ માટે તેજસ એક્સપ્રેસ ટ્રેનોમાં મુસાફરીમાં છૂટ આપવા અંગે વિચારણા કરી હતી. આ પછી સરકારે તેને મંજૂરી આપી હતી. ઓફિસ મેમોરેન્ડમ અનુસાર આ છૂટ આપવામાં આવેલી ટ્રેનો ઉપરાંત ટૂર, ટ્રેનિંગ, ટ્રાન્સફર અને રિટાયરમેન્ટ ટ્રાવેલ માટે પણ લાગુ થશે. તેજસ એક્સપ્રેસ ટ્રેનોમાં મુસાફરી કરવાની પાત્રતા શતાબ્દી ટ્રેનો જેટલી જ રહેશે.

કયા કર્મચારીઓ ટ્રેનની મફત મુસાફરીનો લાભ મળશે 
લાયક સરકારી અધિકારીઓને પ્રીમિયમ ટ્રેનો, પ્રીમિયમ તત્કાલ ટ્રેનો, રાજધાની, શતાબ્દી, દુરંતો ટ્રેનોમાં મુસાફરી કરવાની મંજૂરી છે. તે ઓછા ભાડા માટે અથવા મફતમાં મુસાફરી કરી શકે છે.

ઓટોમેટિક દરવાજાવાળા તેજસ દેશની પહેલી ટ્રેન 
ઉલ્લેખનીય છે કે તેજસ 20 કોચવાળી આ દેશની પહેલી ટ્રેન છે, જેના કોચમાં ઓટોમેટિક દરવાજા છે. તેમજ દરેક બોક્સમાં ચા અને કોફી વેન્ડિંગ મશીન લગાવવામાં આવ્યા છે. દરેક સીટ પર એલસીડી સ્ક્રીન અને વાઇ-ફાઇ સુવિધા છે. તેજસ રાજધાની એક્સપ્રેસ સેમી હાઈ સ્પીડ ટ્રેન છે, જેને ભારતીય રેલવે ચલાવી રહી છે. તેજસ એક્સપ્રેસ આધુનિક સુવિધાઓ સાથે ભારતીય રેલ્વેની એક મધ્યમ ગતિની ટ્રેન છે.