ધ્યાન આપજો / માપમાં રહેજો! ઈન્સ્ટા પર ચગ્યો 'મહિલાની મરજી વગરનો મામલો', જાણીને કહેશો કે આવું તો ન જ કરાયને?

ઈન્સ્ટા વાપરનારા લોકો માટે મોટા સમાચાર સામે આવ્યાં છે. આ સમાચાર પરથી એવું તારણ કાઢી શકાય છે કે ઈન્સ્ટાગ્રામ પર નાચવું હોય એટલું નાચજો પણ મરજી વગર કોઈના ફોટા શેર ન કરતાં કારણ કે તે બદલ પોલીસ કેસ થઈ શકે છે.

મહિલાઓના પ્રાઈવેટ ફોટા શેર કર્યાં

બેંગલુરુની મેટ્રો રેલ સિસ્ટમ પર મહિલા મુસાફરોની સંમતિ વિના તેમના ફોટા શેર કરતા એક સોશિયલ મીડિયા એકાઉન્ટ સામે અજાણ્યા વ્યક્તિઓ વિરુદ્ધ FIR નોંધવામાં આવી છે. મેટ્રોમાં મુસાફરી કરતી મહિલાઓની અણધારી તસવીરો પોસ્ટ કરનારા એક ઇન્સ્ટાગ્રામ એકાઉન્ટ પર લોકોના રોષ બાદ આ FIR દાખલ કરવામાં આવી છે. 'બેંગ્લોર મેટ્રો ચિક્સ' હેન્ડલ હેઠળ કાર્યરત આ પેજ પર તપાસ શરૂ થાય તે પહેલાં તેના 5,000 થી વધુ ફોલોઅર્સ હતા. આક્રોશ અને ત્યારબાદની FIR બાદ, ઇન્સ્ટાગ્રામ હેન્ડલ પરથી બધી તસવીરો ડિલીટ કરી દેવામાં આવી છે.

વધુ વાંચો : 'પતિનું કામ 20 વર્ષની છોકરીઓને નેતાઓ પાસે સુવડાવાનું છે' નેતાની પત્નીનો ઘટસ્ફોટ, રાજનીતિમાં ચકચાર

યુઝરે ધ્યાન દોરતાં મામલો પ્રકાશમાં

પોલીસના જણાવ્યા અનુસાર, આ તસવીરો મેટ્રો કોચ અને પ્લેટફોર્મની અંદર લેવામાં આવી હતી. એવા કોઈ સંકેત નથી કે ફોટામાં દર્શાવવામાં આવેલી મહિલાઓને ખબર હતી કે તેમનો ફોટો લેવામાં આવી રહ્યો છે અથવા તેમણે તેમની તસવીરોનો ઉપયોગ કરવા માટે કોઈ પ્રકારની સંમતિ આપી હતી. આ મુદ્દા પર સૌપ્રથમ ધ્યાન ત્યારે ગયું જ્યારે સોશિયલ મીડિયા પ્લેટફોર્મ X (અગાઉનું ટ્વિટર) પર એક યુઝરે આ એકાઉન્ટને ફ્લેગ કર્યું અને બેંગલુરુ શહેર પોલીસને ટેગ કરીને તાત્કાલિક કાર્યવાહી કરવાની વિનંતી કરી. પોલીસે આ કેસની જાતે નોંધ લઈને પ્રતિક્રિયા આપી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ