હેલ્થ / શું દૂધ પીવાથી આવી શકે હાર્ટ એટેક? ખૂબ ચોંકાવનારી વાત આવી સામે

શું દૂધ પીવાથી હાર્ટ એટેક આવી શકે છે? આ વાત થોડી વિચિત્ર લાગી શકે છે, પરંતુ એક સંશોધન એવો દાવો કરે છે. હકીકતમાં, બ્રિટનમાં કરવામાં આવેલા એક સંશોધનમાં પુષ્ટિ થઈ છે કે દૂધ પીવાથી કેટલાક લોકોમાં હાર્ટ એટેકનું જોખમ વધી શકે છે. ચાલો જાણીએ નવા સંશોધનમાં શું જાણવા મળ્યું.

સંશોધન શું કહે છે?

સંશોધનમાં, વૈજ્ઞાનિકોએ શોધી કાઢ્યું કે દૂધ, જે લેક્ટોઝનો સ્ત્રોત છે, તે આપણા હૃદય માટે હાનિકારક હોઈ શકે છે. સંશોધકોનું માનવું છે કે ઓછી ચરબીવાળું દૂધ પીવાથી પણ હાર્ટ એટેક આવી શકે છે. રિપોર્ટમાં દૂધનો ઉપયોગ ન કરવાની કોઇ વાત નથી કરાઇ પરંતુ યુકેના દ સન માં પ્રકાશિત થયેલી એક રિપોર્ટ અનુસાર, હ્રદયના દર્દીઓ અને જે લોકોને બ્લડ પ્રેશર, કોલેસ્ટ્રોલ અથવા તો સુગર જેવી બીમારીઓ છે, તેઓ માટે દૂધના સેવન અંગે એક જાગરૂકતા આપવી જરૂરી છે. દૂધ જેવી વસ્તુઓનું સેવન સ્વસ્થ રહેવા માટે મહત્વપૂર્ણ છે, પરંતુ કોઈ પણ ખોરાકનું વધુ પ્રમાણમાં સેવન નુકસાનકારક હોઈ શકે છે.

કોઈપણ ખાદ્ય પદાર્થનું વધુ પડતું સેવન નુકસાનકારક હોઈ શકે છે. રિપોર્ટ અનુસાર, દૂધને કારણે હાર્ટ એટેકનો ખતરો મહિલાઓ માટે વધારે છે કારણ કે દૂધમાંથી શરીરને જે ફેટ મળે છે તે મહિલાઓના હૃદયની ધમનીઓમાં સરળતાથી જમા થઈ શકે છે, કારણ કે મહિલાઓ પુરૂષોની તુલનામાં ઓછી એક્ટિવ હોય છે અથવા ઓછી કસરત કરે છે આવી સ્થિતિમાં, ધમનીઓમાં બ્લોકેજ હાર્ટ એટેકનું કારણ બની શકે છે.

સંશોધનમાં બીજું શું મળ્યું?

સંશોધન દર્શાવે છે કે પુરુષોમાં હાર્ટ એટેકનું જોખમ ઓછું હોય છે કારણ કે તેઓ સુગરથી થતા નુકસાનથી ઓછી અસર પામે છે અને પુરુષો સુગરને સરળતાથી પચાવવામાં સક્ષમ હોય છે. તેથી, તેમને દૂધ અથવા લેક્ટોઝ ધરાવતા ઉત્પાદનોના કારણે હાર્ટ એટેકનું જોખમ ઓછું હોય છે. રિપોર્ટ અનુસાર, આ સંશોધન લગભગ 10 લાખ લોકો પર કરવામાં આવ્યું હતું, જેમાં મોટાભાગના લોકોમાં આવા ઉત્પાદનો દ્વારા ઉત્પાદિત ખરાબ ચરબીનું પ્રમાણ વધુ હોવાનું જણાયું હતું. સંશોધનમાં કહેવામાં આવ્યું છે કે 600 મિલી દૂધ પીવાથી હાર્ટ એટેકનું જોખમ 12% વધી શકે છે, જ્યારે પહેલેથી જ બીમાર વ્યક્તિ દરરોજ 800 મિલી દૂધ પીવે છે, તો તેને હાર્ટ એટેકનું જોખમ 21% વધી જાય છે.

હાર્ટ એટેકનું જોખમ ઘટાડવાની રીતો

1. ન્યૂનતમ ચરબીવાળો ખોરાક ખાઓ.
2. તમે સ્કિમ્ડ મિલ્ક અથવા ઓછી ચરબીવાળું દૂધ પી શકો છો.
3. પ્લાન્ટ બેઝ્ડ આધારિત ખોરાક લેવો.
4. દરરોજ વ્યાયામ કરો.
5. 5.ધુમ્રપાન અને આલ્કોહોલનું સેવન ટાળો.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ