કાનૂન / 2024થી તમામ સ્માર્ટફોન માટે એક જ ચાર્જર, યુરોપિયન યુનિયનમાં કાયદો પસાર, જાણો ભારતની સ્થિતિ

• 2024થી તમામ સ્માર્ટફોન માટે એક જ ચાર્જર
• યુરોપિયન યુનિયનમાં કાયદો પસાર
• યુરોપિયન યુનિયનના દેશોમાં લાગુ પડશે
• ભારતમાં બધા મોબાઈલ માટે એક ચાર્જરનો મુદ્દો સરકારની વિચારણામાં 

મોબાઈલ સહિતના તમામ ઈલેક્ટ્રોનિક્સ ઉપકરણો માટે એક ચાર્જરની દિશામાં યુરોપિયન યુનિયને એક મોટું પગલું ભર્યું છે. યુરોપિયન યુનિયને એક કાયદો પસાર કરીને તમામ મોબાઈલ ફોન, ટેબલેટ અને કેમેરાને યુએસબી ટાઈપ-સી ચાર્જિંગ પોર્ટથી લેસ કરવાની મંજૂરી આપી દીધી છે. આ કાયદા બાદ યુરોપિયન સંઘમાં વેચાનારા તમામ ઈલેક્ટ્રોનિક્સ સાધનો માટે એક ચાર્જરનો ઉપયોગ થશે. 

By the end of 2024, all mobile phones, tablets and cameras sold in the EU will have to be equipped with a USB Type-C charging port: EU parliament pic.twitter.com/gWSuR3QCa7

— ANI (@ANI) October 4, 2022

ભારતમાં પણ તમામ મોબાઈલ માટે એક ચાર્જરની સરકારની વિચારણા
ઉલ્લેખનીય છે કે ભારત સરકારે પણ તમામ મોબાઈલ માટે એક ચાર્જરની વિચારણા શરુ કરી દીધી છે. યુરોપિયન યુનિયનના કાયદા બાદ પણ સરકાર દેશમાં પણ આવો નિયમ લાગુ પાડે તેવી શક્યતા છે. 

તમામ મોબાઈલ માટે એક ચાર્જર માટે ભારત સરકારે રચી કમિટી 
ભારત સરકાર યુરોપિયન યુનિયનની સામાન્ય ચાર્જર નીતિ અપનાવવાની યોજના ધરાવે છે. બીજા શબ્દોમાં કહીએ તો, દેશમાં ટૂંક સમયમાં તમામ મોબાઇલ ફોન (બ્રાન્ડને ધ્યાનમાં લીધા વિના) અને અન્ય પોર્ટેબલ ઇલેક્ટ્રોનિક ઉપકરણો માટે સામાન્ય ચાર્જરની નીતિ હોઈ શકે છે. પીટીઆઈ તરફથી આવી રહેલા એક અહેવાલ અનુસાર, ભારત સરકાર ટૂંક સમયમાં મોબાઇલ અને તમામ પોર્ટેબલ ઇલેક્ટ્રોનિક ઉપકરણો માટે સામાન્ય ચાર્જર્સને અપનાવવાની શોધ માટે નિષ્ણાત જૂથોની રચના કરશે.  ગ્રાહક બાબતોના સચિવ રોહિતકુમાર સિંઘની અધ્યક્ષતામાં હોદ્દેદારો સાથે એક કલાક ચાલેલી બેઠક બાદ નિષ્ણાત ટીમની રચના કરવાનો નિર્ણય લેવામાં આવ્યો હતો.