વાત ફાયદાની / શું તમારે 5,00,00,000 રુપિયા જોઈએ છે?, જાણી લો SIPની જોરદાર ટ્રિક

Step-Up SIP એટલે કે ટોપ-અપ SIP એ એવી યોજના છે જેમાં તમે દર વર્ષે તમારા માસિક SIP રોકાણમાં વધારો કરો છો. સામાન્ય SIPમાં તમે એક ચોક્કસ રકમ દર મહિને રોકો છો, જ્યારે Step-Up SIPમાં તમારી આવક વધે તેમ SIP રકમ પણ વધારવામાં આવે છે. આ પદ્ધતિથી તમને કંપાઉન્ડિંગનો વધુ લાભ મળે છે અને લાંબા ગાળે મોટું ફંડ તૈયાર થાય છે. જો તમારો ફાઇનાન્શિયલ ગોલ ઝડપથી મોટો ફંડ એકત્ર કરવાનો છે, તો મ્યુચ્યુઅલ ફંડમાં SIP તમારી માટે બેસ્ટ વિકલ્પ બની શકે છે. પરંતુ ફક્ત SIP કરવાથી પૂરતું નથી. સાચી સ્ટ્રેટેજી અપનાવશો તો તમારું લક્ષ્ય ઝડપથી સિદ્ધ કરી શકશો.

₹5 કરોડ સુધી પહોંચવાનું ગણિત

• માનો તમે શરૂઆતમાં દર મહિને ₹25,000 SIP કરો છો અને દર વર્ષે તેમાં 10% વધારો કરો છો.
• અંદાજિત વાર્ષિક રિટર્ન: 12%
• સમયગાળો: 20 વર્ષ
• કુલ રોકાણ: ₹1.72 કરોડ
• મેચ્યુરિટી પર ફંડ: ₹4.97 કરોડ (લગભગ ₹5 કરોડ)

આ રીતે Step-Up SIP દ્વારા તમે ₹5 કરોડ સુધીનું ફંડ સરળતાથી બનાવી શકો છો. જોકે નિયમિતતા અને ધીરજ જરૂરી છે.

જો Step-Up SIP ન કરો તો?

જો તમે દર મહિને ₹25,000 SIP કરો અને તેમાં કોઈ વધારો ન કરો તો,

• કુલ રોકાણ: ₹60 લાખ
• મેચ્યુરિટી પર ફંડ: ₹2.3 કરોડ

યોગ્ય મ્યુચ્યુઅલ ફંડ કેવી રીતે પસંદ કરવું?

• Equity Mutual Funds લાંબા ગાળે વધુ રિટર્ન આપે છે
• 5–10 વર્ષના ટ્રેક રેકોર્ડ ધરાવતાં ફંડ પસંદ કરો
• Low Expense Ratio અને Consistent Performance પર ધ્યાન આપો
• SEBI-રજિસ્ટર્ડ ફાઇનાન્સિયલ એડવાઇઝરથી સલાહ લો
• લાંબા ગાળે કમ્પાઉન્ડિંગની શક્તિનો સંપૂર્ણ લાભ મળે છે.

SIP દરમિયાન શું કરવું અને શું નહીં?

બજારના ઉતાર-ચઢાવમાં SIP બંધ ન કરો. મંદી વખતે વધારે યુનિટ્સ સસ્તા ભાવે ખરીદાઈ શકે છે, જે લાંબા ગાળે વધુ નફો આપે છે. જો બોનસ, ડિવિડન્ડ અથવા વધારાની આવક મળે, તો તેને પણ SIPમાં ઉમેરો જેથી લક્ષ્ય ઝડપથી પૂર્ણ થાય.

વધુ વાંચો : સરકાર વિદ્યાર્થીઓને આપી રહી છે ફ્રીમાં કોચિંગ, આ રીતે ઉઠાવો યોજનાનો લાભ

SIP એ માત્ર રોકાણ નહીં, પણ નાણાકીય શિસ્ત અને ધીરજનો અભ્યાસ છે. Step-Up SIPથી તમે તમારા લક્ષ્ય ₹5 કરોડ સફળતાપૂર્વક હાંસલ કરી શકો છો. ખાસ કરીને યુવાનો માટે આ પદ્ધતિ રિટાયરમેન્ટ, ઘર ખરીદી કે બાળકોના ભવિષ્ય માટે શ્રેષ્ઠ વિકલ્પ બની શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ