FACT CHECK / પહેલા 2000, ને હવે 500ની નોટ, શું બંધ થઇ જશે? જાણો વાયરલ દાવાની સચ્ચાઇ

500 Note Ban : RBI એ લગભગ 2 વર્ષ પહેલા 2000 રૂપિયાની નોટો પાછી ખેંચવાનો નિર્ણય લીધો હતો. હવે તેના પર અપડેટ એ છે કે, આ નોટો ટૂંક સમયમાં ચલણમાંથી બહાર થઈ જશે પરંતુ તે કાયદેસર રહેશે. આ દરમિયાન સોશિયલ મીડિયા પર એક સમાચાર વાયરલ થઈ રહ્યા છે જેમાં દાવો કરવામાં આવી રહ્યો છે કે, માર્ચ 2026 થી 500 રૂપિયાની નોટો ચલણમાંથી બહાર થઈ જશે. ધીમે ધીમે આ નોટો ATM માંથી નીકળવાનું પણ બંધ થઈ જશે. સરકાર વતી PIB એ હકીકત તપાસ કરીને લોકોની મૂંઝવણ દૂર કરી છે અને આ સમાચારને ખોટા જાહેર કર્યા છે.

જાણો શું છે સમગ્ર મામલો ?

વાસ્તવમાં હાલ લોકોને વોટ્સએપ પર એક મેસેજ મળી રહ્યો છે જેમાં કહેવામાં આવ્યું છે કે, ભારતીય રિઝર્વ બેંકે બધી બેંકોને 30 સપ્ટેમ્બર 2025 સુધીમાં તેમના ATM માંથી 500 રૂપિયાની નોટો બંધ કરવાનો નિર્દેશ આપ્યો છે. 31 માર્ચ 2026 સુધીમાં 75% બેંકોના ATM માંથી 500 રૂપિયાની નોટો દૂર કરવાનો અને 90% ATM માંથી આ નોટો સંપૂર્ણપણે બંધ કરવાનો લક્ષ્યાંક છે. આ પછી ATM માંથી ફક્ત 100 અને 200 રૂપિયાની નોટો જ ઉપલબ્ધ થશે. તેથી હવેથી તમારી પાસે રહેલી 500 રૂપિયાની નોટો ખર્ચવાનું શરૂ કરો.

હવે જાણો PIB એ શું કહ્યું ?

PIB ફેક્ટ ચેકે આ મેસેજને સંપૂર્ણપણે ખોટો ગણાવ્યો છે. PIB એ સોશિયલ મીડિયા પ્લેટફોર્મ X પર એક પોસ્ટમાં જણાવ્યું હતું કે, રિઝર્વ બેંકે આવો કોઈ આદેશ જાહેર કર્યો નથી અને 500 રૂપિયાની નોટો હજુ પણ કાયદેસર રીતે માન્ય છે. આનો અર્થ એ છે કે, 500 રૂપિયાની નોટોનો ઉપયોગ કોઈપણ સમસ્યા વિના થઈ શકે છે.

આ પણ વાંચો : રૂપિયા તૈયાર રાખજો! સોનાની કિંમતમાં થઇ શકે છે મસમોટો ઘટાડો, સ્ટડીએ ચોંકાવી દીધા

PIB એ લોકોને આવા ભ્રામક સમાચારોથી સાવધ રહેવા કહ્યું છે. PIB ફેક્ટ ચેક યુનિટે કોઈપણ માહિતીની સત્યતા ચકાસવા માટે સરકારી વેબસાઇટ જેવા વિશ્વસનીય સ્ત્રોતોનો ઉપયોગ કરવાની સલાહ આપી છે. ઉપરાંત જો કોઈ સંદેશ શંકાસ્પદ લાગે છે તો તેની જાણ કરો જેથી ખોટી માહિતીનો ફેલાવો અટકાવી શકાય. હાલમાં 500 રૂપિયાની નોટોના ચલણ પર પ્રતિબંધ અંગે રિઝર્વ બેંક ઓફ ઇન્ડિયા દ્વારા કોઈ સત્તાવાર નિવેદન બહાર પાડવામાં આવ્યું નથી. આ નોટો બજારમાં હાજર છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ