બિઝનેસ / ન્યૂઝીલેન્ડ સાથે ફ્રી ટ્રેડ ડીલ સાઇનથી જાણો ભારતને શું-શું ફાયદો? સમજો

ભારત અને ન્યુઝીલેન્ડ વચ્ચે 27 એપ્રિલના ઐતિહાસિક ફ્રી ટ્રેડ એગ્રીમેંટ (FTA) પર હસ્તાક્ષર થયા હતા. નવી દિલ્હી અને વેલિંગ્ટનમાં ટીમોએ ડિસેમ્બર 2025 માં વાટાઘાટો પૂર્ણ કરી હતી, ત્યારબાદ કરારને અંતિમ સ્વરૂપ આપવામાં આવ્યું હતું. આ FTA માં 20 પ્રકરણો શામેલ છે, જેમાં સામાનનો વેપાર, વિવાદ નિરાકરણ, કાનૂની નિયમો અને અન્ય મુખ્ય પાસાઓને આવરી લેવામાં આવ્યા છે.

નવ મહિનામાં પૂર્ણ થયેલો કરાર

પીયુષ ગોયલે જણાવ્યું હતું કે માત્ર નવ મહિનામાં પૂર્ણ થયેલો આ કરાર બંને દેશો વચ્ચેના વિશ્વાસ અને સહિયારા લક્ષ્યોને દર્શાવે છે. તેમણે તેને "વિકસિત ભારત 2047" તરફ એક મુખ્ય પગલું ગણાવ્યું અને કહ્યું કે છેલ્લા ચાર વર્ષમાં આ તેમનો સાતમો ટ્રેડ એગ્રીમેંટ છે.

પીએમ મોદી અને ન્યુઝીલેન્ડના પીએમની પ્રતિક્રિયા

નરેન્દ્ર મોદીએ કહ્યું હતું કે આ કરારથી ખેડૂતો, યુવાનો, મહિલાઓ, MSME, કારીગરો, સ્ટાર્ટઅપ્સ અને વિદ્યાર્થીઓને ફાયદો થશે. તે નવી તકો ઉભી કરશે અને અનેક ક્ષેત્રોમાં સહયોગ વધારશે. ન્યુઝીલેન્ડના પ્રધાનમંત્રી ક્રિસ્ટોફર લક્સને જણાવ્યું હતું કે આ કરાર તેમના દેશ માટે એક નવું અને "ડાયનેમિક" બજાર ખોલશે અને નિકાસને વેગ આપવામાં મદદ કરશે.

એફટીએની મુખ્ય વાતો

આ કરાર હેઠળ ન્યુઝીલેન્ડ આગામી 15 વર્ષમાં 20 બિલિયન ડોલરનું રોકાણ કરશે. ન્યુઝીલેન્ડમાં થતી તમામ ભારતીય નિકાસ પર 100% ડ્યુટી નાબૂદ કરવામાં આવશે. ભારતીય વ્યાવસાયિકોને વાર્ષિક ઓછામાં ઓછા 5,000 વિઝા આપવામાં આવશે, જેનાથી તેઓ ત્યાં ત્રણ વર્ષ સુધી કામ કરી શકશે.

આ પણ વાંચોઃ બિઝનેસ / એવાં 3 મોટા સમાચાર, જેના લીધે રોકાણકારોએ છાપી નાખ્યા ₹ 7 લાખ કરોડ

કાપડ, લેધર, પ્લાસ્ટિક અને એન્જિનિયરિંગ જેવા ભારતીય ઉત્પાદનો ન્યુઝીલેન્ડમાં ડ્યુટી ફ્રી નિકાસ કરવામાં આવશે. ભારતે ન્યુઝીલેન્ડ માટે તેની 70% ટેરિફ લાઇન ખોલી છે. ન્યુઝીલેન્ડને ઊન, વાઇન, લાકડા, કોલસો અને એવોકાડો અને બ્લુબેરી જેવા ફળોની નિકાસનો ફાયદો થશે. આ એફટીએ હેઠળ કૃષિ ક્ષેત્રમાં પણ સહયોગ વધશે. ભારતીય ખેડૂતોને કીવી અને સફરજન ઉગાડવામાં મદદ કરવામાં આવશે અને મધ ઉત્પાદન પર પણ કામ કરવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ