બિઝનેસ / ICICI અને HDFC બેંકના ગ્રાહકોને ઝટકો, બેંકના આ નિર્ણયથી મોટું નુકસાન

Bank Loan: દેશની સૌથી મોટી ખાનગી બેંકો આઇસીઆઇસીઆઇ અને એચડીએફસીએ તેમના વ્યાજ દરોમાં ઘટાડો કર્યો છે. એચડીએફસીએ એમસીએલઆર દરોમાં 10 બેસિસ પોઇન્ટનો ઘટાડો કર્યો છે. જ્યારે આઇસીઆઇસીઆઇ બેંકે તેમાં 10 થી 35 બેસિસ પોઇન્ટનો ઘટાડો કર્યો છે. આ નિર્ણય પછી એફડીમાંથી કમાણી કરનારાઓને નુકસાન થશે. તમને જણાવી દઈએ કે આ બેંકો સિવાય અન્ય કઈ બેંકોએ એફડી પર વ્યાજ ઘટાડ્યું છે.

ભારતની બે મોટી ખાનગી બેંકોએ ગ્રાહકોને મોટો ઝટકો આપ્યો છે. આઇસીઆઇસીઆઇ અને એચડીએફસીએ તેમના એમસીઆલઆર દરોમાં ઘટાડો કરવાની જાહેરાત કરી છે. ખાનગી ક્ષેત્રની એચડીએફસી બેંકે તેના લોન દર એમસીએલઆરમાં 10 બેસિસ પોઇન્ટનો ઘટાડો કર્યો છે, જે હવેથી 3 વર્ષના સમયગાળા માટે 8.90% થી 9.10% ની વચ્ચે છે. બીજી તરફ આઇસીઆઇસીઆઇ બેંકે 3 કરોડ રૂપિયા સુધીની થાપણો પર વ્યાજ દરમાં 10 થી 35 બેસિસ પોઇન્ટનો ઘટાડો કર્યો છે. આની સીધી અસર તમારી બચત પર પડશે.

આઇસીઆઇસીઆઇ બેંક હવે 271 દિવસથી 1 વર્ષ સુધીની થાપણો પર 5.75% વ્યાજ આપી રહી છે, જે પહેલા કરતા 25 બેસિસ પોઇન્ટ ઓછી છે. 18 મહિનાથી 2 વર્ષ સુધીની થાપણો પરનો વ્યાજ દર 35 બેસિસ પોઇન્ટ ઘટીને 6.50% થયો છે. 5 વર્ષથી 10 વર્ષની થાપણો પરનો વ્યાજ દર 10 બેસિસ પોઇન્ટ ઘટીને 6.60% થયો છે. આ ઉપરાંત ટેક્સ સેવર એફડીનો વ્યાજ દર 15 બેસિસ પોઇન્ટ ઘટીને 6.60% થયો છે.

રેપો રેટમાં ઘટાડો

ભારતીય રિઝર્વ બેંકે શુક્રવારે યોજાયેલી એમપીસી બેઠકમાં રેપો રેટમાં ઘટાડો કરવાનો નિર્ણય લીધો હતો. શુક્રવારે રેપો રેટમાં 50 બેસિસ પોઇન્ટનો ઘટાડો કર્યા પછી આરબીઆઇએ અપેક્ષા મુજબ આ કર્યું છે. બેંક ઓફ બરોડા, પંજાબ નેશનલ બેંક, બેંક ઓફ ઇન્ડિયા અને ઇન્ડિયન બેંક સહિત મુખ્ય જાહેર ક્ષેત્રના ધિરાણકર્તાઓએ પહેલાથી જ તેમના રેપો-લિંક્ડ ધિરાણ દરોમાં 50 બેસિસ પોઇન્ટનો ઘટાડો કર્યો છે. નિષ્ણાતો કહે છે કે બેંકો ભવિષ્યમાં બચત બેંક ખાતાઓ પરના વ્યાજ દરમાં 25-50 બેસિસ પોઇન્ટનો ઘટાડો કરી શકે છે.

આ પણ વાંચોઃ બિઝનેસ / ઉતાર-ચઢાવ બાદ શેરબજાર ફ્લેટ બંધ, સેન્સેક્સમાં આટલા પોઈન્ટનો ઘટાડો

આ બેંકોએ પણ ઘટાડો કર્યો

એચડીએફસી અને આઇસીઆઇસીઆઇ બેંક ઉપરાંત દેશની જાહેર ક્ષેત્રની બેંકો કેનેરા બેંક અને કોટક મહિન્દ્રા બેંકે પણ એફડી પરના વ્યાજ દરમાં ઘટાડો કર્યો છે. આરબીઆઇ દ્વારા રેપો રેટ ઘટાડ્યા પછી બેંકો એફડી પરના વ્યાજ દરમાં સતત ઘટાડો કરી રહી છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ