આસ્થા / શું કાળો દોરો પહેરવો છે ચમત્કારિક? રાશિ અનુસાર તેનું કેટલું મહત્વ, જાણી લેજો ધારણ કરવાના આ નિયમ

• અનેક લોકો હાથ-પગમાં કાળો દોરો બાંધે છે
• કાળો દોરો પહેરવાથી ખરાબ નજર અને ખરાબ શક્તિઓ સામે રક્ષણ મળે છે
• કાળો દોરો પહેરતા પહેલા તેના નિયમો જાણી લેવા જોઈએ

અનેક લોકો હાથ-પગમાં કાળો દોરો બાંધે છે. પ્રચલિત માન્યતા અનુસાર કાળો દોરો પહેરવાથી ખરાબ નજર અને ખરાબ શક્તિઓ સામે રક્ષણ મળે છે. જ્યોતિષ શાસ્ત્ર અનુસાર દરેક વ્યક્તિએ કાળો દોરો પહેરવો શુભ નથી હોતો, ઘણી વાર તેનું ખરાબ પરિણામ પણ મળી શકે છે. આ કારણોસર કાળો દોરો પહેરતા પહેલા તેના વિશે જાણી લેવું જોઈએ. આજના સમયમાં લોકો ફેશન તરીકે કાળો દોરો પહેરે છે, પરંતુ સમજ્યા વગર કાળો દોરો પહેરવાથી અનેક મુશ્કેલીઓ આવી શકે છે, જે અંગે અહીંયા જાણકારી આપવામાં આવે છે. 

કઈ રાશિના જાતકોએ કાળો દોરો ના પહેરવો જોઈએ
જ્યોતિષ શાસ્ત્ર અનુસાર વૃશ્વિક અને મેષ રાશિના જાતકોએ કાળો દોરો ના પહેરવો જોઈએ. જ્યોતિષ શાસ્ત્ર અનુસાર વૃશ્વિક રાશિના સ્વામી મંગળ ગ્રહ હોય છે અને મંગળ લાલ રંગનું પ્રતિનિધિત્ત્વ કરે છે. માનવામાં આવે છે કે, મંગળ ગ્રહને કાળો રંગ બિલ્કુલ પણ પ્રિય નથી. જેથી વૃશ્વિક રાશિના જાતકોએ કાળો દોરો ના પહેરવો જોઈએ. મેષ રાશિના સ્વામી મંગળ ગ્રહ હોય છે, જેથી આ વાત મેષ રાશિ પર પણ લાગુ પડે છે. નહીંતર ગંભીર અને ખરાબ પરિણામ ભોગવવું પડી શકે છે. 

કાળો દોરો કોણ પહેરી શકે 
જ્યોતિષ શાસ્ત્ર અનુસાર જે રાશિમાં શનિ ગ્રહની પરિસ્થિતિ મજબૂત હોય છે, તે રાશિના સ્વામી શનિ હોય છે. જેથી જે રાશિના સ્વામી શનિ હોય તેઓ કાળો દોરો ધારણ કરી શકે છે. કાળો દોરો પહેરવાના કેટલાક નિયમ છે, તે જાણીને દોરો ધારણ કરવામાં આવે તો લાભ થાય છે. 

કાળો દોરો પહેરવાના નિયમ
શનિદેવ કાલા રંગનું પ્રતિનિધિત્ત્વ કરે છે, આ કારણોસર શનિવારે કાળો દોરો ધારણ કરવો જોઈએ. 
તમે જે હાથમાં કાળો દોરો ધારણ કરો તે હાથમાં અન્ય રંગનો દોરો ના હોવો જોઈએ. 
હાથમાં કાળો દોરો બાંધવાની સાથે તમે ઘરના મુખ્ય દ્વાર પર લીંબુ અને કાળો દોરો લટકાવી શકો છો.