લો બોલો! / બિન સચિવાલય પરીક્ષા કૌભાંડઃ CCTVમાં ઝડપાયેલા-ગેરહાજર ઉમેદવારોને હાજર થવા નોટિસ

• SITની તપાસમાં પણ ગોટાળા
• ગેરહાજર વિદ્યાર્થીઓને હાજર રહેવા આદેશ
• ગોલમાલ કરી રહ્યુ છે તપાસપંચ?

વિદ્યાર્થીઓને ગૌણ સેવા મંડળ સમક્ષ ઉપસ્થિત રહેવા માટે નોટિસ આપવાનું શરૂ કર્યું છે. દરમિયાન સરકાર દ્વારા ગેરરીતિના મામલે SITની રચના કરવામાં આવી છે, જેનો તપાસ રિપોર્ટ પણ આગામી સપ્તાહે જાહેર કરવામાં આવશે. 

શું છે નોટીસમાં?

નોટિસમાં ઉમેદવારને રૂબરૂ બોલાવી ખુલાસો આપવા જણાવાયું છે, સાથે એવી સૂચના પણ આપવામાં આવી છે કે જો પરીક્ષાર્થી નિશ્ચિત તારીખ અને સમયે ગૌણ સેવા પસંદગી મંડળ સમક્ષ હાજર રહીને યોગ્ય ખુલાસો નહીં કરે તો એવું માની લેવાશે કે તેઓ આ મામલે કંઈ કહેવા માગતા નથી અને તેમણે પરીક્ષામાં ગેરરીતિ આચરી છે તેવું માનીને તેમની સામે ફોજદારી સહિત નિયમ પ્રમાણેની કાર્યવાહી કરવામાં આવશે. 

કોણ કોણ છે ચેરમેન?

SITના ચેરમેન તરીકે અગ્રસચિવ કમલ દયાણીની નિમણૂક કરવામાં આવી છે. આ ઉપરાંત  ‌SITમાં ગાંધીનગરના રેન્જ આઈજી મયૂરસિંહ ચાવડા, મનોજ શ‌શીધરન (એડિશનલ ડીજીપી- CID ) અને જીએડીના અધિક સચિવ જ્વલંત ત્રિવેદી (સભ્ય સચિવ)નો સમાવેશ કરાયો છે. આ તપાસમાં હાલમાં શંકાસ્પદ અરજદારોને રૂબરૂ બોલાવવામાં આવી રહ્યા છે. 

CCTV ફૂટેજની ચકાસણી થઈ રહી

ગૌણ સેવા પસંદગી મંડળના અધ્યક્ષ અસિત વોરાએ જણાવ્યું હતું કે CCTV ફૂટેજની ચકાસણી થઈ રહી છે. વિદ્યાર્થીઓને પરીક્ષા આપવા માટે જે પ્રમાણે બેઠકની સિસ્ટમ ગોઠવવામાં આવી હતી તે મુજબ જ વિદ્યાર્થીએ પરીક્ષા આપી છે.