કોઈપણ વ્યક્તિ માટે હોમ લોન સૌથી મોટી લોન છે. વર્ષ દર વર્ષે તેનો બોજ વધતો જાય છે. ત્યારે જો તમને હોમ લોન પર થોડો ફાયદો મળે તો આનાથી વધુ સારું શું હોઈ શકે. અમે તમને જણાવી દઈએ કે હોમ લોન કર લાભો સાથે આવે છે જે લોન લેનાર વ્યક્તિની એકંદર કર જવાબદારી ઘટાડવામાં મદદ કરે છે. અહીં તમારા માટે નોંધવા જેવી બાબત એ છે કે હોમ લોન પર ચૂકવવામાં આવેલી મુખ્ય રકમ અને વ્યાજ આવકવેરા કાયદાની વિવિધ કલમો હેઠળ કર કપાત માટે પાત્ર છે.
સરકાર ટેક્સ બેનિફિટ્સ કેમ આપે છે ?
2020-21માં સરકારે જાહેરાત કરી હતી કે હોમ લોન પર આવકવેરા મુક્તિ માટેની તમામ જૂની વ્યવસ્થા વર્ષ 2024 સુધી અમલમાં રહેશે. કર લાભો ઓફર કરીને સરકારનો હેતુ લોકો માટે ઘરની માલિકી વધુ પોસાય અને આવાસની માંગ વધારવાનો છે.
ડબલ ટેક્સ બચત ટીપ્સ
જો તમે પણ આવકવેરાના દાયરામાં આવો છો અને ટેક્સ બચાવવાના રસ્તાઓ શોધી રહ્યા છો, તો આજે અમે તમને મદદ કરવા જઈ રહ્યા છીએ. આજે અમે તમને એક એવો ઉપાય જણાવીશું, જે અનોખો નથી પરંતુ તમારી ટેક્સ બચતને બમણી કરવામાં મદદરૂપ સાબિત થઈ શકે છે.
આવકવેરાના નિયમો શું કહે છે?
આવકવેરા કાયદા અનુસાર હોમ લોનની મૂળ રકમની ચુકવણી પર કલમ 80C હેઠળ 1.5 લાખ રૂપિયા સુધીની કપાતનો દાવો કરી શકાય છે. આવકવેરા કાયદાની કલમ 24(B) હેઠળ હોમ લોનના વ્યાજ પર 2 લાખ રૂપિયા સુધીની કપાતનો દાવો કરી શકાય છે. લોન લઈને ઘર ખરીદનાર વ્યક્તિ નાણાકીય વર્ષમાં 3.5 લાખ રૂપિયા સુધીની કમાણી પર ટેક્સમાં છૂટ મેળવી શકે છે.
7 લાખની કમાણી કરમુક્ત રહેશે
તમે આ કર લાભને બમણો પણ કરી શકો છો. એટલે કે હોમ લોન લઈને તમે એક વર્ષમાં તમારી 7 લાખ રૂપિયા સુધીની આવકને ટેક્સ ફ્રી કરી શકો છો. જો તમે તમારી પત્ની સાથે જોઈન્ટ હોમ લોન લો છો તો આ સ્થિતિમાં તમે બંને અલગ-અલગ ટેક્સ લાભોનો દાવો કરી શકો છો. આવા કિસ્સામાં સંયુક્ત મર્યાદા કલમ 80C હેઠળ રૂ. 3 લાખ અને કલમ 24(B) હેઠળ રૂ. 4 લાખ હશે. એટલે કે કુલ રૂ. 7 લાખની કપાત મળશે.
વધુ વાંચો : બાઇક બનાવતી કંપનીના શેરની છલાંગ, 7000% ડિવિડન્ટ આપવાનું કર્યું એલાન, રોકાણકારો ગેલમાં
આ ખાસ ધ્યાન રાખો
આ રીતે ડબલ ટેક્સ લાભ મેળવવા માટે કેટલીક બાબતો ધ્યાનમાં રાખવી જરૂરી છે. હોમ લોનનો સહ-ઉધાર લેનાર પણ ખરીદેલી મિલકતનો સહ-માલિક હોવો જોઈએ. જો આવું ન હોય તો, તે કર લાભો મેળવી શકશે નહીં. આવા કિસ્સાઓમાં, EMI ચૂકવવામાં ભાગ લીધા પછી પણ તે ટેક્સ બચતનો લાભ મેળવી શકતો નથી.
