દેશ / બાહુબલી નેતા આનંદ મોહનના છુટકારાને પડકાર, સુપ્રીમ કોર્ટ પહોંચી IASની પત્ની ઉમા કૃષ્ણૈયા

• ગોપાલગંજનાં DM જી.કૃષ્ણૈયાનાં હત્યાનો મામલો
• આરોપી પૂર્વ સાંસદ આનંદ મોહનની જામીન બાદ ફરી વિવાદ
• પત્ની ઉમા કૃષ્ણૈયાએ SCમાં જામીનને રદ કરવા કરી અપીલ

બિહારનાં પૂર્વ સાંસદ આનંદ મોહન, તાત્કાલિન ડીએમ જી.કૃષ્ણૈયાની હત્યાનાં મામલામાં કથિત ધોરણે આરોપી હતાં જેમને હાલમાં જામીન મળી છે. તેમની જામીનનો મામલો હવે સુપ્રીમ કોર્ટમાં પહોંચી ગયો છે. જી.કૃષ્ણૈયાની પત્ની ઉમા કૃષ્ણૈયાએ આનંદ મોહનની જામીનને પડકારતી અરજી SCમાં દાખલ કરી છે.

ફરી જેલમાં નાખવાની માંગ
ગોપાલગંજમાં મૃત્યુ પામેલા DM જી.કૃષ્ણૈયાની પત્ની ઉમા કૃષ્ણૈયાએ આનંદ મોહનને ફરી જેલમાં નાખવાની માંગ કરી છે. ઉમાએ બિહાર સરકારનાં નિયમોમાં બદલાવની નોટિફિકેશનને પણ રદ કરવાની માંગ કરી છે. 

પત્નીએ SCમાં કરી આ અપીલ
અત્રે ઉલ્લેખનીય છે કે આનંદ મોહનની જામીન બાદ ઉમાએ કહ્યું હતું કે જનતા આનંદ મોહનની જામીનનો વિરોધ કરશે, તેને ફરી જેલમાં મૂકવાની માંગ કરશે. તેમને મુક્ત કરવાનો નિર્ણય ખોટો છે. CMએ આ પ્રકારની પ્રવૃતિને પ્રોત્સાહન ન આપવું જોઈએ. ઉમા કૃષ્ણૈયાએ કહ્યું કે જો તે (આનંદ મોહન) ભવિષ્યમાં ચૂંટણી લજશે તો જનતાએ તેમનો બહિષ્કાર કરવો જોઈએ. હું તેમને ફરી જેલમાં મૂકવાની અપીલ કરું છું.

IAS officer G Krishnaiah's wife Uma Krishnaiah moves Supreme Court challenging the premature release of Bihar politician Anand Mohan Singh from prison. pic.twitter.com/AnZ73OQiY4

— ANI_HindiNews (@AHindinews) April 29, 2023

'આ માત્ર એક પરિવાર નહીં, દેશ સાથે અન્યાય છે'- પુત્રી પદ્મા
જી.કૃષ્ણૈયાની પુત્રી પદ્માએ પણ કહ્યું હતું કે 'આનંદ મોહનસિંહ આજે જેલથી છૂટ્યાં જે અમારા માટે ઘણી દુ:ખદ વાત છે. સરકારે આ નિર્ણય પર પુનર્વિચાર કરવો જોઈએ. હું નીતીશ કુમારજીને વિનંતી કરું છું કે આ નિર્ણય પર ફરી વિચાર કરે. આ નિર્ણયનાં લીધે સરકાર એક ખોટું ઉદાહરણ આપી રહી છે. આ માત્ર એક પરિવાર નહીં, દેશ સાથે અન્યાય છે.'