Bihar exit poll 2025 / Bihar Exit Poll Result 2025: મોટા ભાગનાં પોલમાં NDA સરકાર, ફીર એકબાર નીતિશ કુમાર

બિહાર વિધાનસભા ચૂંટણીનું બીજા તબ્બકાનું વોટિંગ પૂર્ણ થતાની સાથે જ એક્ઝિટ પોલ પણ સામે આવી ગયા છે. રાજ્યમાં રેકોર્ડ બ્રેક વોટિંગથી સ્પષ્ટ પણે લોકોએ કોઈ એક પક્ષને સત્તા સોંપવાનો નિર્ણય કરી લીધો છે. MATRIZE-IANS ના એક્ઝિટ પોલમાં NDAને 147-167 અને મહાગઠબંધનને 70-90 સીટો મળે તેવુ અનુમાન છે.

આ વખતે, બિહારમાં બે તબક્કામાં મતદાન થયું. પહેલો તબક્કો 6 નવેમ્બરે અને બીજો 11 નવેમ્બરે હતો. બધાની નજર હવે એક્ઝિટ પોલ પર છે, જે જાહેર થઈ ગયા છે. જે દર્શાવે છે કે બિહારની કમાન કોના હાથમાં જાય છે. તમે એક્ઝિટ પોલના આંકડા અહીં જોઈ શકો છો.

P-MARQ એક્ઝિટ પોલ પણ NDA ને સ્પષ્ટ બહુમતી આપે છે

P-MARQ એક્ઝિટ પોલ પણ NDA માટે જંગી જીત થશે તેવુ દર્શાવે છે. આ એક્ઝિટ પોલ મુજબ, NDAને 142-162 બેઠકો, મહાગઠબંધનને 80-98 બેઠકો, પ્રશાંત કિશોરના જન સૂરાજને 1-4 બેઠકો અને અન્યને 0-3 બેઠકો મળવાનો અંદાજ છે.

ડીવી રિસર્ચના એક્ઝિટ પોલમાં પણ NDAની સરકાર બનવાનો અંદાજ લગાવાયો છે.

ડીવી રિસર્ચના એક્ઝિટ પોલમાં પણ એનડીએ સ્પષ્ટ બહુમતી સાથે સત્તામાં પરત ફરશે તેવું અનુમાન છે. એનડીએને 137-152 બેઠકો, મહાગઠબંધન 83-98, જન સુરાજ પાર્ટી 2-4 અને ઓવૈસીની પાર્ટી 0-2 બેઠકો મળવાનો અંદાજ છે.

પીપલ્સ પલ્સ સર્વેમાં પણ NDA ને બહુમતી મળી

પીપલ્સ પલ્સ એક્ઝિટ પોલમાં પણ NDA સરકાર બનવાનો અંદાજ છે. એક્ઝિટ પોલ મુજબ, NDAને 133-159 બેઠકો મળવાનો અંદાજ છે. મહાગઠબંધનને 75-101 બેઠકો અને JSPને 0-5 બેઠકો મળવાનો અંદાજ છે. અન્યોને 2-8 બેઠકો મળી શકે છે.

બિહાર એક્ઝિટ પોલ પરિણામ 2025: ચાણક્ય સ્ટ્રેટેજીસ પોલમાં NDA સરકાર

બિહાર ચૂંટણી માટેનો પાંચમો એક્ઝિટ પોલ પણ બહાર આવ્યો છે જેમાં NDAને 130-138 બેઠકો, મહાગઠબંધનને 100-108 બેઠકો અને અન્યને 3-5 બેઠકો મળતી જોવા મળી રહી છે. 

વધુ વાંચો; ફરીદાબાદ ટેરર મોડ્યૂલમાં અનેક ભણેલા ગણેલા લોકોની સંડોવણી, મુસ્લિમ યુનિવર્સિટીઓમાં તપાસ

POLSTRATના એક્ઝિટ પોલમાં પણ NDAની સરકાર બનવાનો અંદાજ

બિહાર ચૂંટણી માટેના ચોથા એક્ઝિટ પોલ, POLSTRAT એ તેના તાજેતરના એક્ઝિટ પોલ જાહેર કર્યા છે, જેમાં NDA ને સ્પષ્ટ બહુમતી મળવાની આશા વ્યક્ત કરી છે. POLSTRAT મુજબ, NDA 133-148 બેઠકો, મહાગઠબંધન 87-102 અને અન્ય 3-5 બેઠકો જીતી શકે છે. પક્ષની દ્રષ્ટિએ, BJP 68-72 બેઠકો, JDU 55-60, LJP (R) 9-12, HAM 1-2 અને RLM 0-2 બેઠકો જીતી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ