ટીમ ઈન્ડીયામાં બબાલ / રોહિતનું શું થયું? ફાઈનલ ટેસ્ટમાંથી ડ્રોપના સમાચાર બાદ BCCIની સાઈટ ક્રેશ, ચાહકોને ચિંતા

ટીમ ઈન્ડીયામાં હિટમેન તરીકે જાણીતા રોહિત શર્મા લોકોમાં પણ એટલો જ લાડલો છે. રોહિતને કંઈ પણ થાય તે જાણવામાં લોકોને ખૂબ રસ રહેતો હોય છે અને તેના નાનાથી માંડીને મોટા સમાચાર પર લોકોની નજર રહેતી હોય છે. આવો દાખલો ફરી એક વાર જોવા મળ્યો છે. ગુરુવારે સિડનીમાં રમાનારી ફાઈનલ ટેસ્ટ માટે રોહિતને ડ્રોપ કરવાના જેવા સમાચાર જાહેર થયાં કે તરત લોકો રઘવાયા થયા હતા અને ધડાધડ બીસીસીઆઈની સાઈટ પર જવા લાગ્યાં હતા અને સાચા સમાચાર જાણવા માગતા હતા આને કારણે બીસીસીઆઈની સાઈટ ક્રેશ થઈ ગઈ હતી.

સિડની ટેસ્ટમાંથી રોહિતની બાદબાકી

શુક્રવારે સિડનીમાં રમાનારી બોર્ડર ગાવસ્કર ટ્રોફીની છેલ્લી અને પાંચમી ટેસ્ટ માટે ટીમ ઈન્ડીયાના કેપ્ટન બદલાયાં છે. બીસીસીઆઈએ રોહિત શર્માને બદલે જસપ્રીત બુમરાહને કેપ્ટન બનાવ્યો છે. રોહિત શર્માએ હેડ કોચ ગૌતમ ગંભીરને પાંચમી ટેસ્ટ ન રમવાના નિર્ણય વિશે જણાવી દીધું છે. ગંભીરે પણ નિર્ણયમાં હામી ભરી દીધી હતી. બોર્ડર ગાવસ્કર ટ્રોફીની આ છેલ્લી મેચ જીતવી ભારત માટે ખૂબ જરુરી છે જો હાર થઈ તો ટીમ પર ડબલ્યુટીસીમાંથી બહાર થઈ જવાનો પણ ખતરો છે.

રોહિત અને ગંભીર વચ્ચે ખાઈ

સિડની ટેસ્ટ પહેલાં રોહિત શર્મા અને ગૌતમ ગંભીર વચ્ચે અણબનાવના પણ સમાચાર સામે આવ્યાં હતા. પ્રેક્ટિસ મેચ દરમિયાન રોહિત અને ગંભીર સામસામા મળ્યાં હતા છતાં પણ એકબીજા સાથે વાત કરી નહોતી, તેમની વચ્ચે વિવાદ સ્પસ્ટપણે જણાઈ આવતો હતો.

ભારત માટે કરો યા મરોની સ્થિતિ

બોર્ડર ગાવસ્કર ટ્રોફીની પાંચ ટેસ્ટમાંથી 2માં ઓસ્ટ્રેલિયાની, 1માં ભારતની અને 1 ડ્રો થઈ છે, અને હવે છેલ્લી મેચ જીતવી ભારત માટે ખૂબ જરુરી છે. જો ભારત જીતે તો બન્ને ટીમ 2-2ની બરાબરી પર આવી શકે છે હારની સ્થિતિમાં ભારતને બેવડો ફટકો પડશે કારણ કે હાર તો થશે જ સાથે વર્લ્ડ ટેસ્ટ ચેમ્પિયનશીપ ફાઈનલમાંથી પણ બહાર ફેંકાઈ જશે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ