જ્યોતિષ / નવેમ્બરમાં 1-2 નહી આટલા ગ્રહ બદલી રહ્યા છે ચાલ, આ રાશિનાં લોકોનાં સાડાસાતી જેવા દુઃખ ખતમ થશે

Astrology: નવેમ્બર 2025 ગ્રહોની દૃષ્ટિથી પરિવર્તનશીલ મહિનો સાબિત થશે. આ મહિને, પાંચ મુખ્ય ગ્રહો - શનિ, સૂર્ય, શુક્ર, બુધ અને ગુરુ - તેમની સ્થિતિ બદલશે, જે બાર રાશિઓના ભાગ્ય, કારકિર્દી, સંબંધો અને સ્વાસ્થ્ય પર અસર કરશે. આ એવો સમય પણ છે જ્યારે શનિ માર્ગી, ગુરુ વક્રી, સૂર્યનો વૃશ્ચિક રાશિમાં પ્રવેશ, શુક્રનું તુલા-વૃશ્ચિક રાશિ ગોચર અને બુધ વક્રી માર્ગી થશે. વૈદિક જ્યોતિષ અનુસાર, આ સમયગાળો કેટલીક રાશિઓ માટે પ્રગતિ, પ્રેમ અને સંપત્તિમાં વૃદ્ધિ લાવશે, જ્યારે અન્ય રાશિઓ માટે આત્મનિરીક્ષણ અને સંયમની જરૂર પડશે.

જ્યોતિષીઓના જણાવ્યા પ્રમાણે, નવેમ્બરમાં શુક્ર 2 નવેમ્બરે બપોરે 1:14 વાગ્યે તુલા રાશિમાં પ્રવેશ કરશે અને 26 નવેમ્બરે સવારે 11:21 વાગ્યે વૃશ્ચિક રાશિમાં પ્રવેશ કરશે. ગ્રહોનો રાજકુમાર બુધ 10 નવેમ્બરે વક્રી થશે અને 23 નવેમ્બરે તુલા રાશિમાં પ્રવેશ કરશે. આ પછી તે 29 નવેમ્બરે માર્ગી થશે. ગુરુ 11 નવેમ્બરે રાત્રે 10:11 વાગ્યે વક્રી થશે. ગ્રહોનો રાજા સૂર્ય 16 નવેમ્બરે બપોરે 1:36 વાગ્યે વૃશ્ચિક રાશિમાં પ્રવેશ કરશે. શનિ ગ્રાહ 28 નવેમ્બરે સવારે 9:20 વાગ્યે માર્ગી થશે. જણાવી દઈએ કે શનિ 13 જુલાઈ 2025 ના રોજ છેલ્લે વક્રી થયા હતા. એવામાં નવેમ્બર મહિનો કેટલીક રાશિઓના જાતકો માટે ખૂબ જ શુભ સાબિત થશે.

Venus Transit: 2 નવેમ્બરે તુલા રાશિમાં શુક્રનું ગોચર

વૈદિક જ્યોતિષ પ્રમાણે, ધન અને ભૌતિક સુખ-સુવિધાઓ આપનાર ગ્રહ શુક્ર 2 નવેમ્બરે કન્યા રાશિ છોડીને તુલા રાશિમાં પ્રવેશ કરશે. જ્યોતિષશાસ્ત્રમાં, શુક્રને સુંદરતા, પ્રેમ, ભૌતિક સુખ-સુવિધાઓ અને સંપત્તિનું પ્રતીક માનવામાં આવે છે. પરિણામે, શુક્રનું આ ગોચર ઘણી રાશિઓ માટે ભાગ્યશાળી સાબિત થશે. આ સમય દરમિયાન કેટલીક રાશિઓને સંપત્તિ, સફળતા અને પ્રતિષ્ઠા મળશે. શુક્રની ગતિમાં પરિવર્તન ચાર રાશિઓના જીવનમાં સકારાત્મક ફેરફારો લાવશે: કર્ક, કન્યા, તુલા અને મીન. આ રાશિના જાતકો માટે સંપત્તિ, કારકિર્દી અને પ્રેમ જીવનમાં સુધારણાની શક્યતા છે. જેમની કુંડળીમાં શુક્ર મજબૂત સ્થિતિમાં છે તેઓ હંમેશા આરામ અને વૈભવનો અનુભવ કરશે. જો શુક્ર કુંડળીમાં નબળો હોય, તો વ્યક્તિનું જીવન મુશ્કેલીઓથી ભરેલું રહેશે. કુંડળીમાં શુક્રને મજબૂત બનાવવા માટે, શુક્રવારે ઉપવાસ કરવો અને દહીં, ચાંદી અને ચોખાનું દાન કરવું.

Guru Vakri: 11 નવેમ્બર 2025ના રોજ ગુરુ વક્રી થશે

ગુરુ પણ 11 નવેમ્બર 2025ના રોજ રાત્રે 10.11 વાગ્યાથી કર્ક રાશિમાં વક્રી થશે. કર્ક રાશિ તેની ઉચ્ચ રાશિ છે, તેથી આ સમય આત્મનિરીક્ષણ અને વિચારોની દિશામાં પરિવર્તનનો સમય સાબિત થઈ શકે છે. ગુરુ જ્ઞાન, ધર્મ અને ન્યાયનું પ્રતીક છે. તેથી, વક્રી ગુરુ આત્મનિરીક્ષણ અને વિચારમાં ઊંડાણ લાવશે.

Sun Transit: 16 નવેમ્બરે વૃશ્ચિક રાશિમાં સૂર્યનું ગોચર

સૂર્ય દર મહિને પોતાની રાશિ બદલે છે, જેને સૂર્ય સંક્રાંતિ તરીકે ઓળખવામાં આવે છે. 16 નવેમ્બરના રોજ સૂર્ય વૃશ્ચિક રાશિમાં પ્રવેશ કરશે. રાશિ પરિવર્તનથી કેટલીક રાશિઓમાં નોકરીમાં લાભ અને સન્માન મળશે. કુંડળીમાં જ્યારે સૂર્ય બળવાન હોય છે, ત્યારે લોકોને રાજ સત્તાનું સુખ મળે છે. કુંડળીમાં સૂર્યને મજબૂત કરવા માટે, દરરોજ સૂર્ય દેવને જળ અર્પણ કરવું જોઈએ.

આ પણ વાંચો: Panchak 2025: પંચકમાં કેમ નથી થતા શુભકામ? જાણો પંચકનાં પ્રકાર, પ્રભાવ અને કરવા યોગ્ય ઉપાય

Budh Gochar: બુધ 23 નવેમ્બરે તુલા રાશિમાં પ્રવેશ કરશે

ગ્રહોનો રાજકુમાર બુધ હાલમાં વૃશ્ચિક રાશિમાં ગોચર કરી રહ્યો છે અને 10 નવેમ્બરે વક્રી થઈને 23 નવેમ્બરે તુલા રાશિમાં પ્રવેશ કરશે. ત્યારબાદ 29 નવેમ્બરે તે માર્ગી થશે અને 6 ડિસેમ્બરે વૃશ્ચિક રાશિમાં પ્રવેશ કરશે. જેમની કુંડળીમાં બુધ મજબૂત હોય છે તેઓ વ્યવસાય અને વાણીમાં પારંગત હોય છે. આવા વ્યક્તિઓ ખૂબ જ બુદ્ધિશાળી હોય છે. કુંડળીમાં બુધ મજબૂત કરવા માટે, લીલા રંગના વસ્ત્રો પહેરો અને આ દિવસે ભગવાન ગણેશની પૂજા કરો.

Shani Margi: 28 નવેમ્બરે શનિ થશે માર્ગી

ગ્રહોનો ન્યાયાધીશ શનિ 13 જુલાઈએ મીન રાશિમાં વક્રી થયા હતા અને 28 નવેમ્બરે માર્ગી થશે એટલે કે સીધી ચાલ ચાલશે. કુંભ રાશિમાં શનિના માર્ગી થવાથી મેષ, વૃષભ, તુલા અને ધન રાશિના જાતકોને ખાસ રાહત મળશે. આ રાશિના લોકોની સમસ્યાઓ ખતમ થશે અને તેમને તેમના કાર્યમાં સફળતા મળશે.

DISCLAIMER: ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ