કડક વલણ / VIDEO :'પ્રેમ રાખશો તો 4 વખત નમીશ, અવળચંડાઈ હશે તો..' શંકરસિંહ ચૌધરીનો લુખ્ખાતત્વોને લલકાર

• વિધાનસભા અધ્યક્ષ શંકર ચૌધરીનું અસામાજિક તત્વો સામે કડક વલણ 
• થરાદના દુધવામાં શંકર ચૌધરીએ અસામાજિક તત્વોને આપી ચીમકી
• આગેવાન, કાર્યકર્તા કે પ્રજાને તકલીફ થવા પર કાયદો કાયદાનું કામ કરશે : શંકર ચૌધરી 

ગુજરાત વિધાનસભાની ચૂંટણી દરમિયાન ચર્ચામાં આવેલ વિધાનસભાના અધ્યક્ષ તેમજ થરાદ બેઠકના ધારાસભ્ય શંકર ચૌધરી વધુ એક વખત ચર્ચામાં આવ્યા છે. આ વખતે શંકર ચૌધરીનો આવારાતત્વો સામે આકારા પાણીએ હોવાનો વીડિયો સામે આવ્યો છે. થરાદ પંથકના દુધવા ગામેં એક કાર્યક્રમનું આયોજન કરાયું હતુ. આ દરમિયાન શંકર ચૌધરીએ જાહેર મંચ પરથી માથાભારે લોકોને ગર્ભિત ધમકી આપી સુધરી જવા શાનમાં સમજાવ્યું હતી.

શુ બોલ્યા શંકર ચૌધરી? 

ધારાસભ્ય શંકર ચૌધરીએ જાહેર મેચ પંરથી સંબોધન કરતા કહ્યું કે કોઈ આગેવાનથી કાર્યકર કે પ્રજાને મુશ્કેલી પડી તો કાયદો કાયદાનું કામ કરશે. સ્વભાવને ઇતિહાસ બધાએ જોઈ અને સમજી લેવો પડે છે આ વાત મારે કહેવી પડે એટલા માટે બધાની હાજરીમાં કહું છું. પ્રેમ અને લાગણી રાખશે તેના માટે ચાર વખત નામવાની તૈયારી છે. દંડાઈ હશે તો જેનું જેવુ વર્તન હશે તેવો જ જવાબ કાયદો આપે છે.આ થી જે લોકો નથી સમજતા તે લોકો સમજીને આગળ વધે. વધુમાં અસામાજિક તત્વોને ગર્ભિત ધમકી અપાતા કહ્યું હતું કે કોઈ ખોટા અખતરા ન કરે! વધુમાં એમ પણ કહ્યું હતું કે માખી કરડે તો એનું પરિણામ આખા મધપૂડાને ભોગવવુ પડે છે. હું તમામનો આભાર માનવા આવ્યો છું પરંતુ દુધવા ગામમા આ બાબત કહેવી પડે તેવું લાગતા કહ્યું અને ધ્યાન રાખી જરૂર પડ્યે હિશાબ પણ રાખીશ તેમ જણાવ્યું હતું.

અગાઉ નિવેદનથી આવ્યા હતા ચર્ચામાં

અગાઉ ગુજરાત વિધાનસભાની ચુંટણી દરમિયાન પણ શંકર ચૌધરી ચર્ચામાં આવ્યા હતા જેમાં જાહેર સભાને સંબોધતા શંકર ચૌધરીએ કહ્યું હતું કે સાવ નમાલો માણસ નથી. ભાઈબંધી રાખવા જેવો માણસ છું. ભાઈબંધી રાખશો તો અડધી રાતનો હોંકારો થઇશ તેવી પણ ખાતરી આપી હતી. વધુમાં તેમણે કહ્યું કે તમે મહેસાણા કે ક્યાંય પણ જાશો તમારી ગાડી કોઇ પોલીસવાળાઑ રોકે એને પૂછે કે ક્યાંથી આવો તમે થરાદ શંકરભાઇને ત્યાંથી આવું છું. તેમ કહેશો એટલે તે સેલ્યુટ મારીને જવા દેશે. તેવું ગૌરવ મારે તમામ નાગરિકોને અપાવવું છે અને ખાલી મારો ફોટો સ્ટેટસમાં હોય તો પણ કોઈ પોલીસવાળા તમને રોકશે નહી.વાવમાં હું નથી તો પણ નામથી કામ થઇ જાય છે. તેમ હું ના હોય તો પણ કામ થઇ જવા જોઇએ.