રામલલાનું રહસ્ય / 'રામજી બોલાવી રહ્યાં છે', અડધી રાતે ઉઠીને મૂર્તિ બનાવવા હતા અરુણ યોગીરાજ

• રામલલાની મૂર્તિ બનાવનાર અરુણ યોગીરાજનું બીજુ રહસ્ય 
• આચાર્ય સમુદ્ર શાસ્ત્રી યોગીરાજ બોલ્યાં
• અરુણ યોગીરાજ અડધી રાતે ઉઠીને મૂર્તિ બનાવતા હતા 
• રામજી મૂર્તિ જોવા કપિરાજ આવતા હતા 

રામલલાની મૂર્તિ જોવા એક કપિરાજ દરરોજ આવતા હતા તેવું રહસ્ય ખોલ્યાં બાદ હવે મૂર્તિકાર અરુણ યોગીરાજનું બીજું રહસ્ય સામે આવ્યું છે. રામલલાની મૂર્તિ બનાવવા માટે તેમણે આકાશપાતળ એક કરી નાખ્યા હતા એવું કહેવું ખોટું નથી. મૂર્તિના નિર્માણ સમયે સંસ્કૃત અને સંગીતના જાણકાર આચાર્ય સમુદ્ર શાસ્ત્રી યોગીરાજની સાથે હતા. તેમણે કહ્યું કે યોગીરાજ અડધી રાત્રે ઘણી વખત ઉઠીને કામ કરવા લાગી જતા હતા. શરૂઆતમાં સત્યનારાયણ પાંડેની મૂર્તિ માટે પસંદગી કરવામાં આવી હતી. પાછળથી જેજે ભટ્ટનું નામ આવ્યું, પરંતુ અંતે યોગીરાજના નામ પર મહોર મારવામાં આવી.

Thank you Ayodhya 🙏🏾🙏🏾🙏🏾 pic.twitter.com/OXXKs1h5Ri

— Arun Yogiraj (@yogiraj_arun) January 24, 2024

અરુણ યોગીરાજ રાતના વારેવારે ઉઠીને મૂર્તિ બનાવવા લાગી જતા 
શાસ્ત્રીએ કહ્યું કે ટ્રસ્ટની સૂચના સ્પષ્ટ હતી કે રામ લલ્લાની મૂર્તિને બાળ સ્વરુપમાં તૈયાર કરવી પડશે, જેની ઊંચાઈ 51 ઇંચ હશે. વાળ અને ફીચર્સ પર ખાસ ધ્યાન આપવું પડે છે. તેઓ કહે છે કે, અરુણ યોગીરાજ છેલ્લા સાત મહિનામાં રાત્રે વારંવાર ઉઠતા હતા અને રામજી બોલાવી રહ્યાં છે તેવું કહીને મૂર્તિ બનાવવા લાગી જતા હતા. 
યોગીરાજે થોડું મોડું મૂર્તિ બનાવવાનું શરુ કર્યું હતું. સાતથી આઠ મહિનામાં મૂર્તિ તૈયાર કરી નાખી હતી. 

Arun Yogiraj! pic.twitter.com/j1Tb3NxKVm

— RVCJ Media (@RVCJ_FB) January 25, 2024

રામલલાની મૂર્તિ જોવા વાનર આવતા 
અરુણ યોગીરાજે એવો ખુલાસો કર્યો છે કે રામલલાની મૂર્તિ બનતી હતી ત્યારે તેને જોવા માટે દરરોજ એક વાનર આવતો. અરુણ કહે છે કે ભગવાન શ્રી રામે જે પણ આદેશ આપ્યો તે પ્રમાણે તેણે મૂર્તિ બનાવી. શિલ્પકારે જણાવ્યું કે રામલલાની પ્રતિમા તૈયાર કરવામાં તેમને 7 મહિનાનો સમય લાગ્યો હતો. આ સમય દરમિયાન, તેઓ દુનિયાથી અલગ પડી ગયા હતા. તેમણે કહ્યું કે મૂર્તિ બનાવતી વખતે એક વાંદરો રોજ તેના ઘરે આવતો હતો અને મૂર્તિ જોઈને પાછો જતો હતો.