અરવલ્લી / મોડાસામાં લાલચોળ થયા આ સાંસદ: સ્ટેજ પરથી જ ઉચ્ચ અધિકારીઓને ખખડાવ્યા, જાણો કેમ થયા નારાજ

• અરવલ્લીમાં વન મહોત્સવ કાર્યક્રમ યોજાયો
• સાંસદ દિપસિંહ રાઠોડનો પ્રોટોકોલ ન જળવાયો!
• દિપસિંહ રાઠોડએ સ્ટેજ પર જ અધિકારીઓને ખખડાવ્યા

અરવલ્લી જિલ્લામાં મોડાસા ખાતે વન મહોત્સવની ઉજવણી કરવામાં આવી હતી. આ જિલ્લા કક્ષાના વન મહોત્સવ કાર્યક્રમમાં સાબરકાંઠા - અરવલ્લી સાંસદ દિપસિંહ રાઠોડ ઉપસ્થિત રહ્યાં હતા તેમજ તેઓ પ્રોટોકોલને લઈ અધિકારીઓ પર ગુસ્સે ભરાયા હતા અને સ્ટેજ પરથી ઉચ્ચ અધિકારીઓને ખખડાવ્યા હતા. સાંસદે અધિકારી બાદ સ્પીચ આવતા પ્રોટોકોલ મામલે નારાજગી વ્યક્ત કરી છે

સાંસદ દિપસિંહ રાઠોડ શું કહ્યું ?
તેમણે જણાવ્યું કે, પ્રોટોકોલ ન જળવાયું એવું નથી તેમજ વન વિભાગના બે કર્મચારીઓ સ્ટેજ પર બુટ પહેરી સ્ટેજ આવ્યા એ ન આવવા જોઈએ પરંતુ એમની ગેર સમજ છે. તેમણે ઉમેર્યું કે, આ બાબતે ફોરેસ્ટ વિભાગે ઓછું ધ્યાન રાખ્યું એમ કહું તો ચાલે અને પ્રોટોકોલમાં ઓછું ધ્યાન રાખ્યું છે એમાં કોઈ મુદ્દો નથી તેમજ પ્રોટોકોલ સચવાયું નથી એવુ પણ નથી.

'પ્રોટોકોલ ન જાળવ્યો પણ હવે વાંધો નહીં'
સાંસદ દિપસિંહ રાઠોડે સ્ટેજ પરથી અધિકારીઓને ખખડાવતા કહ્યું હતું કે, પ્રોટોકોલ ન જાળવ્યો પણ હવે વાંધો નહીં. તેમજ સાંસદે અધિકારીઓને કેટલીક બાબતોમાં ધ્યાન રાખવા સૂચનો પણ આપ્યા હતા. આ જિલ્લા કક્ષાના વનમહોત્સવ કાર્યક્રમમાં મહિલા ગ્રુપ નર્સરી સાથે જોડાયેલા સંખીમંડળના ગ્રુપોને ચેક વિતરણ કરી પ્રોત્સાહિત કરવામાં આવ્યા હતા. સાથોસાથ વનવિભાગ સાથે જોડાયેલા અધિકારીઓ અને કર્મચારીઓને પ્રસસ્તિપત્ર આપી સન્માનિત કરવામાં આવ્યા હતા.