Video / સોશ્યલ મીડિયા સ્ટાર છે આ ટ્રક ડ્રાઈવર, આનંદ મહિન્દ્રાના પણ બન્યા તેના ફેન, શેર કર્યો વીડિયો

આજકાલ એક વ્યક્તિ ખૂબ જ ચર્ચામાં છે. જે એક ટ્રક ડ્રાઈવર છે પરંતુ તેને ટેક્નોલોજી અને સોશિયલ મીડિયાનો એવો ઉપયોગ કર્યો છે કે તેને હવે દેશની સાથે દુનિયાના લોકો પણ ઓળખવા લાગ્યા છે. 

આ ટ્રક ડ્રાઈવરનું નામ રાજેશ રવાની છે પરંતુ લોકો તેને રાજેશ ટ્રક ડ્રાઈવરના નામથી પણ ઓળખે છે. રાજેશ એક ટ્રક ડ્રાઈવરથી સોશિયલ મીડિયા સ્ટાર બની ગયા છે. પરંતુ સૌથી ખાસ વાત એ છે કે તેમને ટ્રક ચલાવવાનું નથી છોડ્યું. જ્યારે તે સોશિયલ મીડિયાથી લાખો રૂપિયા કમાઈ લે છે. 

Rajesh Rawani, who’s been a truck driver for over 25 years, added food & travel vlogging to his profession and & is now a celebrity with 1.5M followers on YouTube.

He just bought a new home with his earnings.

He’s demonstrated that no matter your age or how modest your… pic.twitter.com/5ccfwjYOff

— anand mahindra (@anandmahindra) April 8, 2024

આનંદ મહિંદ્રા થયા ટ્રક ડ્રાઈવરના ફેન 
બિઝનેસમેન આનંદ મહિંદ્રા પણ આ ટ્રક ડ્રાઈવરના ફેન થઈ ગયા છે. તેમણે સોશિયલ મીડિયા પ્લેટફોર્મ ટ્વીટર પર શેર કર્યું છે જેમાં તમે રાજેશ ટ્રક ડ્રાઈવરને ટ્રકના અંદર જ ભોજન બનાવતા અને ખાતા જોઈ શકો છો. 

મંડે મોટિવેશન 
આનંદ મહિંદ્રાએ આ ટ્રક ડ્રાઈવરને પોતાનો મંડે મોટિવેશન ગણાવ્યો છે. તેમણે વીડિયો પોસ્ટ કરતા કેપ્શનમાં લખ્યું છે. "રાજેશ રવાની જે 25 વર્ષથી પણ વધારે સમયથી ટ્રક ચલાવી રહ્યા છે. તેમણે પોતાના કામ સાથે ટ્રાવેલ અને ફૂડ વ્લોગિંગને જોડ્યું અને હવે યુટ્યુબ પર 1.5 મિલિયન એટલે કે 15 લાખ ફોલોઅર્સની સાથે તે એક સેલિબ્રિટી છે."

વધુ વાંચો: વાહ! સિંગલ લોકો માટે માર્કેટમાં આવી ગઇ છે જોરદાર સ્કૂટી, video જોનારા ચોંકી ઉઠ્યા

આનંદ મહિંદ્રાએ આગળ લખ્યું, "તેમણે પોતાની કમાણીથી એક નવું ઘર ખરીદ્યું છે. તેમણે એ સાબિત કરી દીધુ છે કે તમારી ઉંમર ગમે તેટલી હોય તમારી નોકરી ગમેતેટલી સામાન્ય હોય, નવી ટેક્નીકને અપનાવીને પોતાને નવું રૂપ આપવામાં ક્યારેય મોડુ નથી થતું."

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો