વિવાદ / હિન્દુઓની આસ્થા પર પ્રહાર, મા મહાકાળીની અભદ્ર તસવીર: યુક્રેને ઉડાવી મજાક, બાદમાં કર્યું ડિલીટ

• યુક્રેન અને રશિયાનાં યુધ્ધ વચ્ચે હવે એક નવો વિવાદ
• યુક્રેન  સંરક્ષણ મંત્રાલયે પોસ્ટ કરી મા મહાકાળીની અભદ્ર તસવીર 
• ભારત પાસે મદદની ભીખ માંગતા યુક્રેને વિવાદ થતાં ટ્વિટ કર્યું ડિલીટ 

યુક્રેન અને રશિયાનાં યુધ્ધ વચ્ચે હવે એક નવો વિવાદ સામે આવ્યો છે. વાત જાણે એમ છે કે, હમણાં તાજેતરમાં જ યુક્રેનનાં નેતા ભારત આવ્યા બાદ ઈમોશનલ બ્લેકમેલ કરી રહ્યા હતા. તેમને ભારત પાસે મદદ માટે આજીજી કરી રહી હતી. રશિયાએ આવું કર્યું છે. ચારેય દિશામાંથી મિસાઈલો પાણીની જેમ વરસી રહી છે. પરંતુ હવે લાગે છે કે, તેનો વિચાર બદલાઈ ગયો છે. તેથી જ તેઓએ એવી ભૂલ કરી છે જેના માટે કોઈ માફી નથી. યુક્રેને આર્ટવર્કના નામે હિંદુ દેવી કાલીની અભદ્ર તસવીર પોસ્ટ કરી હતી. ભારતના લોકોમાં ભારે ગુસ્સો હતો. હિન્દુ સંગઠનોએ પણ સવાલ ઉઠાવ્યા હતા. આ પછી ટ્વીટ ડિલીટ કરી દેવામાં આવી હતી.

યુક્રેન માતાજીની એક અભદ્ર તસવીર શેર કરતાં મામલો ગરમાયો છે. વાસ્તવમાં પુતિને તેમને એટલા પરેશાન કર્યા છે કે તેઓ પોતે જ સમજી શકતા નથી કે તેઓ શું કરી રહ્યા છે.યુક્રેનના સંરક્ષણ મંત્રાલયે હિન્દુ દેવીનું અપમાન કર્યું છે. આનાથી લોકો નારાજ છે. જોકે વિવાદ વધતો જોઈ યુક્રેને તરત જ આ ટ્વિટ ડિલીટ પણ કરી દીધું છે. 

Demeaning tweet against Maa Kali deleted by @DefenceU
Thanks everyone for reporting 🙏🏻 pic.twitter.com/jFa4B70etE

— Monica Verma (@TrulyMonica) April 30, 2023

તાજેતરમાં જ  યુક્રેનના ડેપ્યુટી ફોરેન મિનિસ્ટર આવ્યા હતા ભારત 
યુક્રેનના ડેપ્યુટી ફોરેન મિનિસ્ટર એમિન જાપારોવા તાજેતરમાં જ ભારત આવ્યા હતા. તેમની સાથે તેઓ ઝેલેન્સ્કીનો એક પત્ર પણ લાવ્યા હતા. જ્યારે ભારત તરફથી માનવતાવાદી મદદ માટે વિનંતી કરવામાં આવી ત્યારે ભારતે કહ્યું, ઠીક છે અમે મદદ કરીશું. પરંતુ હવે યુક્રેન દ્વારા મા કાલીની અભદ્ર તસવીર પોસ્ટ કરવામાં આવી છે, તેનો અર્થ શું છે.

યુક્રેનને કારણે વૈશ્વિક સમીકરણો બગડી ગયા. નાટો જૂથમાં જોડાવાનો આગ્રહ એવો હતો કે હજારો લોકોએ જીવ ગુમાવ્યા. યુક્રેનના રાષ્ટ્રપતિ સામે આવીને કહે છે કે, રશિયાએ અહીં હુમલો કર્યો, ત્યાં હુમલો કર્યો. જોકે લોકોનું માનીએ તો તેઓ તેમના સંરક્ષણ મંત્રાલયને સમજાવશે કે, તેમણે હિન્દુ દેવી-દેવતાઓનું અપમાન કેમ કર્યું ? તેમને આ અધિકાર કોણે આપ્યો ? તેણે કોની સલાહ પર આ કર્યું ? જોકે ભારતીય લોકોએ યુક્રેનને એટલી બધી વાતો કહી કે, તે પોતે જ ડરી ગયા અને ટ્વીટ ડિલીટ કરી દીધું હતું.