BIG NEWS / રખડતાં ઢોર મામલે AMCનો અત્યાર સુધીનો સૌથી મોટો નિર્ણય, લાયસન્સ ફરજિયાત સાથે ઢોર અંકુશ પોલિસીને મંજૂરી, જાણો બીજા નિયમો

• AMC  દ્વારા ઢોર અંકુશ પોલિસીને મંજૂર આપવામાં આવી
• સ્ટેન્ડિંગ કમિટીની બેઠકમાં પોલિસીને મળી સર્વાનુમતે મંજૂરી
• સુધારા વધારા સાથે પોલિસીને મંજૂર કરાઈ

અમદાવાદી મ્યુનિસિપલ કોર્પોરેશન દ્વારા અમદાવાદીઓની સુરક્ષાને ધ્યાનમાં લઈ મહત્વનો નિર્ણય લીધો છે. ત્યારે આજે મળેલી સ્ટેન્ડિંગ કમિટીની બેઠકમાં મહત્વનો નિર્ણય લેવામાં આવ્યો છે. જેમા AMC  દ્વારા ઢોર અંકુશ પોલીસીને મંજૂરી આપી દેવામાં આવી છે. ત્યારે અગાઉ આ પોલિસીને મંજૂર કરાઈ ન હતી. આજે સુધારા વધારા સાથે ઢોર અંકુશ પોલિસીને મંજૂરી આપી દેવામાં આવી છે. 

દુધાળા પશુ રાખનારા લોકોને લાયસન્સ ફરજિયાત
આ બાબતે અમદાવાદ મ્યુનિસિપલ કોર્પોરેશનનાં સ્ટેન્ડિંગ કમિટી ચેરમેન હિતેષ બારોટે જણાવ્યું હતું કે,  અમદાવાદ મ્યુનિસિપલ કોર્પોરેશન દ્વારા ગુજરાત હાઈકોર્ટની ગાઈડ લાઈન પ્રમાણે  આજે સ્ટેન્ડિંગ કમિટીમાં તાકીદનું કામ લાવવામાં આવ્યું હતું. જેમાં ઢોર નિયંત્રણ કાયદાને લાગુ કરવામાં આવ્યો છે. જેમાં કોઈ પણ પશુપાલકે પોતાને પશુ રાખવા માટે પોતાની નિર્ધારિત જે જગ્યા નક્કી કરવામાં આવી છે. તે જગ્યા સાથે તે જગ્યા પર કેટલા ઢોર રાખી શકાય તેમ છે. તે જગ્યા નિર્ધારિત કરવી પડશે.  તેની લાયસન્સ ફી 2000 કમિટીમાં કમિશ્નર દ્વારા નક્કી કરવામાં આવી હતી. જેની જગ્યાએ લાયસન્સ ફી રૂા. 500 તેમજ રીન્યુઅલ ફી રૂા. 250 રાખવામાં આવી છે. અગાઉ જે દંડની વ્યવસ્થા હતી. એ દંડની વ્યવસ્થા હતી એની એજ રાખવામાં આવી છે. 

લાયસન્સ ફી માં સુધારો કરાયો
અત્યારે લાયસન્સ ફી ત્રણ વર્ષ માટે લેવામાં આવી હતી. જેમાં પહેલા 2000 રૂ. લાયસન્સ ફી નક્કી કરવામાં આવી હતી.  જેમાં સુધારો કરી 500 રૂા. લાયસન્સ ફી નાં કરવામાં આવ્યા છે.  જે લોકો પ્રાઈવેટ ટ્રસ્ટ્રમાં પોતાનાં પશુઓ રાખતા હતા. તેમની જ નોંધણી કરવામાં આવશે.  તેમજ ગુજરાત સરકાર દ્વારા નક્કી કરાયેલ કાયદા પ્રમાણે પશુપાલક સાથે વ્યવહાર કરવામાં આવશે. ત્યારે આ પોલીસીનો 90 દિવસમાં અમલ કરવામાં આવશે.
પશુ જેટલી વખત પકડાશે તેટલી વખત દંડ વધશે
કોઈ પણ પશુ વધુમાં વધુ વખત પકડાશે તે પ્રમાણે દંડ પણ દોઢો થશે.  જેમાં  એક વખત પકડાશે તો સિંગલ દંડ થશે. બીજી વખત પકડાશે તો દોઢે દંડ હશે અને ત્રીજી વખત પકડાશે ડબલ દંડ કરવામાં આવશે.