આગાહી / બાકીના નોરતામાં સોથ વાળી દેશે વરસાદ, અંબાલાલ પટેલની ભયાનક આગાહી

હવામાન નિષ્ણાંત અંબાલાલ પટેલ દ્વારા વરસાદને લઈ આગાહી કરી છે. અંબાલાલ પટેલની આગાહી મુજબ વરસાદ નવરાત્રીની મજા બગાડી શકે છે. આજે સૌરાષ્ટ્રના ભાગોમાં અતિભારે વરસાદની આગાહી કરી છે. તેમજ ભારે પવન સાથે વરસાદ થવાની શક્યતાઓ છે.

અતિભારે વરસાદની શક્યતાઓ

હવામાન નિષ્ણાંત અંબાલાલ પટેલે જૂનાગઢ, અમરેલી, પોરબંદર, દ્વારકા, જામનગર, ખંભાળિયા સહિતના વિસ્તારમાં અતિભારે વરસાદની શક્યતાઓ વ્યક્ત કરી છે. પશ્ચિમ સૌરાષ્ટ્રના ભાગોમાં ભારેથી અતિભારે વરસાદની આગાહી કરી છે.

અમદાવાદ, ગાંધીનગરમાં બપોર બાદ વરસાદી ઝાપટા પડી શકે

તેમજ કચ્છના અનેક ભાગોમાં પણ ભારે વરસાદ થવાની શક્યતાઓ છે. અમદાવાદ સહિત ગાંધીનગરમાં બપોર બાદ વરસાદી ઝાપટા પડી શકે છે. દક્ષિણ ગુજરાતમાં ગાજવીજ સાથે હળવાથી ભારે વરસાદની શક્યતાઓ છે. મધ્ય ગુજરાતના ભાગોમાં હળવાથી ભારે વરસાદની શક્યતાઓ હવામાન નિષ્ણાંત અંબાલાલ પટેલ દ્વારા વ્યક્ત કરવામાં આવી છે. તેમજ ઉત્તર ગુજરાત અને પંચમહાલમાં વરસાદી ઝાપટાની શક્યતાઓ છે.

આ પણ વાંચોઃ 'વિદેશી દારુનો ધંધો...' , ભાજપ નેતાની પોસ્ટથી મચી ગયો ખળભળાટ

બંગાળના ઉપસાગરમાં વધુ એક સિસ્ટમ સક્રિય થશે

તેમજ બંગાળના ઉપસાગરમાં વધુ એક સિસ્ટમ 4 થી 6 ઓક્ટોબર દરમ્યાન બનશે. જેની અસર ઉત્તર પૂર્વિય ભાગો તરફ થશે. જેથી ગુજરાતના ભાગોમાં હળવો વરસાદ થઈ શકે છે. 7 ઓક્ટોબરથી પશ્ચિમી હવાનું જોર પકડતા રાજ્યમાં વરસાદની વિદાય થશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ