નિવેદન / PM મોદીના 'સુર્ય નમસ્કાર' વાળા નિવેદન પર અખિલેશ યાદવે કર્યો કટાક્ષ, કહ્યું, સારુ હોત, જો તેઓ કોઇ...

Mehul

Last Updated: 09:41 PM, 9 February 2020

FOLLOW ON

શેર કરો

સમાજવાદી પાર્ટી (સપા)ના અધ્યક્ષ અખિલેશ યાદવે પીએમ નરેન્દ્ર મોદીના 'સૂર્ય નમસ્કાર' વાળા નિવેદન પર કટાક્ષ કરતા રવિવારે કહ્યું કે મોદી કોઇ બેરોજગાર યુવાનના પિતા માટે પણ કોઇ આસન બતાવી દે તો સારુ.

સમાજવાદી પાર્ટીના અધ્યક્ષ અખિલેશ યાદવે પીએમ મોદી પર કર્યો કટાક્ષ
અખિલેશ યાદવે કહ્યું, પીએમ મોદી બેરોજગાર યુવાનના પિતા માટે કોઇ આસન બતાવી દે તો સારું
અખિલેશ યાદવે કહ્યું કે, દેશમાં બેરોજગારી ઉચ્ચ સ્તરે, વડાપ્રધાન પાસે તેના વિશે વિચારવાનો સમય નથી

અખિલેશ યાદવે બહરાઇચમાં એક ખાનગી કાર્યક્રમમાં સામેલ થવા જતી વખતે પત્રકારો સાથે વાતચીતમાં કહ્યું કે, 'પ્રધાનમંત્રી' ''સૂર્ય નમસ્કાર'' અભ્યાસની આવૃત્તિ વધારીને પોતાની પીઠ મજબૂત કરવાની વાત કહી રહ્યા છે. સારુ હોતું, જો તેઓ કોઇ બેરોજગાર યુવાનના પિતા માટે પણ આવુ કોઇ આસન બતાવી દેતા.''

અખિલેશ યાદવે કહ્યું કે, ''દેશમાં બેરોજગારી વધી રહી છે. પ્રધાનમંત્રીની પાસે તેના વિશે વિચારવાનો સમય નથી તો તેઓ ઓછામાં ઓછુ કોઇ આસન જ બતાવી દે''.

નોંધનીય છે કે, પીએમ નરેન્દ્ર મોદીએ કોંગ્રેસ નેતા રાહુલ ગાંધીના 'ડંડા' વાળી ટિપ્પણી પર ગત ગુરુવારે લોકસભામાં કટાક્ષ કરતા કહ્યું કે, હવે તેઓ વધુ સૂર્ય નમસ્કાર કરશે જેથી તેમની પીઠ વધુ મજબૂત બની શકે.

દિલ્હી વિધાનસભા ચૂંટણીના એગ્ઝિટ પોલ અનુમાનોનો ઉલ્લેખ કરતા સપા અધ્યક્ષે કહ્યું કે દિલ્હીવાસીઓએ ભાજપની નફરત ભરેલી રાજનીતિને નકારી દીધી છે. કેટલાય રાજ્યોમાં હારનો સામનો કરનારી ભાજપ દિલ્હીની ચૂંટણીમાં ખાતુ પણ નહીં ખોલાવી શકી. અને એકવાર ફરી આમ આદમી પાર્ટીના અરવિંદ કેજરીવાલની મુખ્યમંત્રી તરીકે તાજપોશી થશે.

સંકળાયેલા મુદ્દાઓ

Akhilesh yadav National News PM modi ગુજરાતી ન્યૂઝ દિલ્હી Statement