IPL ઓક્શન / VIDEO : 'રોહિત શર્મા કો વાપસ લાઓ' હરાજીમાં પડી બૂમો, આકાશ અંબાણીએ આપ્યો જબરો જવાબ

• રોહિત શર્માને મુંબઈ ઈન્ડીયન્સનો ફરી કેપ્ટન બનાવાય તેવી ચાહકોની લાગણી
• દુબઈમાં આઈપીએલ હરાજીમાં ફેન્સ ચિલ્લાયો
• 'રોહિત શર્મા કો વાપસ લાઓ' ફેન્સને આકાશ અંબાણીએ આપ્યો જવાબ
• આકાશ અંબાણી હસતાં હસતાં બોલ્યાં- ચિંતા ન કરે રોહિત બેટિંગ કરશે 

જ્યારથી રોહિત શર્માને મુંબઈ ઈન્ડીયન્સના કેપ્ટન પદેથી હટાવાયો છે ત્યારથી ચાહકો ગાંડા થઈ ગયાં છે અને કેપ્ટન તરીકે તો રોહિત શર્મા જ શોભે તેવી લાગણી વ્યક્ત કરી રહ્યાં છે. આઈપીએલ 2024ની દુબઈની હરાજીમાં પણ એક ચાહકે રોહિત શર્માને પાછો બોલાવો, તેવી બૂમો પાડી હતી.  ચાહકે બૂમો પાડી હતી કે 'રોહિત શર્મા કો વાપસ લાઓ'. ચાહક બૂમો પાડીને એવું કહેવા માગતો હતો કે રોહિત શર્માને કેપ્ટન બનાવો અને તેણે હરાજી રૂમમાં હાજર મુંબઇ ઇન્ડિયન્સના માલિક આકાશ અંબાણીની સામે રોહિત શર્માને પરત લાવવા કહ્યું હતું. આ પછી આકાશે આપેલો જવાબ સતત વાયરલ થઇ રહ્યો છે.

𝘊𝘩𝘪𝘯𝘵𝘢 𝘮𝘢𝘵 𝘬𝘢𝘳𝘰 𝘸𝘰𝘩 𝘣𝘢𝘵𝘵𝘪𝘯𝘨 𝘬𝘢𝘳𝘦𝘨𝘢 💙#OneFamily #MumbaiIndians #IPLAuction pic.twitter.com/fNWLiWpgJS

— Mumbai Indians (@mipaltan) December 19, 2023

આકાશ અંબાણીએ શું જવાબ આપ્યો 
મુંબઇ ઇન્ડિયન્સે પોતાના એક્સ એકાઉન્ટ પર એક વીડિયો શેર કર્યો છે. જણાવવામાં આવ્યું છે કે દુબઈમાં હરાજીના વિરામ દરમિયાન એક ચાહક બૂમો પાડી રહ્યો હતો કે 'રોહિત શર્માને પાછો લાવો'. આ પછી આકાશ અંબાણી ન રોકાયા અને તેમણે એક મજેદાર જવાબ આપ્યો. આકાશ અંબાણીએ કહ્યું કે "ચિંતા ન કરો, તે બેટિંગ કરશે.

રોહિત વિશે ચેન્નઈ ફ્રેન્ચાઈઝીનું મોટું નિવેદન
રોહિત વિશે ચાલી રહેલી તમામ ખબરો ફગાવી દેતાં ચેન્નઈની ટીમના સીઈઓ કાશી વિશ્વનાથને હરાજીની વચ્ચે જ કહ્યું હતુ કે, તેમની ટીમ રોહિતને લેવાના મૂડમાં નથી. આ તમામ અહેવાલો અફવા છે. સૈદ્ધાંતિક રીતે, અમે ખેલાડીઓનો ટ્રેડ કરતા નથી અને અમારી પાસે મુંબઈ ઈન્ડિયન્સ સાથે ટ્રેટ કરવા માટે ખેલાડીઓ નથી. અમે તેમનો સંપર્ક કર્યો નથી અને અમારો અમારો ઇરાદો નથી. 

હાર્દિક પંડયાને કેપ્ટન બનાવતાં પહેલા રોહિતની લેવાઈ હતી મંજૂરી 
મુંબઈ ઈન્ડીયન્સે રોહિત શર્મા પાસેથી કેપ્ટનનો તાજ છીનવી લઈને હાર્દિક પંડ્યાને આપ્યો છે તેથી રોહિત નારાજ થઈને ચેન્નઈ સુપરકિંગ્સમાં જોડાય તેવી ચર્ચાઓ ઉપડી છે. 
આવી સ્થિતિમાં હવે એ સવાલ ઊભો થવા લાગ્યો છે કે શું રોહિત ટ્રેડ વિન્ડો હેઠળ મુંબઈની ટીમ છોડશે ? આ દરમિયાન કેટલાક ફેન્સ અને મીડિયા રિપોર્ટ્સમાં એમ પણ કહેવામાં આવ્યું છે કે રોહિત ટ્રેડ વિન્ડો હેઠળ ચેન્નઈ સુપર કિંગ્સ (સીએસકે)ની ટીમમાં જઈ શકે છે. સીઈઓ વિશ્વનાથને કહ્યું કે હાર્દિક પંડયાને કેપ્ટન બનાવવાનો નિર્ણય લેતા પહેલા તમામ ખેલાડીઓની સંમતિ લેવામાં આવી હતી, જેમાં ખુદ રોહિત પણ સામેલ હતો. એટલે બાકીનું બધું જ નકામું છે. દરેક ખેલાડી આ નિર્ણય માટે સહમત થયા છે.

મુંબઈ ઈન્ડીયન્સે રોહિતને હટાવીને હાર્દિક પંડ્યાને બનાવ્યો કેપ્ટન
ઉલ્લેખનીય છે કે 2024ની આઈપીએલમાં મુંબઈ ઈન્ડીયન્સે રોહિત શર્માને કેપ્ટન પદેથી હટાવીને હાર્દિક પંડ્યાને બનાવ્યો છે. મુંબઈના આ નિર્ણયથી રોહિતના ચાહકો ખૂબ નિરાશ થયાં હતા અને રોહિત મુંબઈની આગેવાની લેવા હકદાર છે તેવી પણ ચાહકોની લાગણી હતી.