કાર્યવાહી / રેપીડો જેવી કોમર્શિયલ બાઈક રાઈડ અમદાવાદમાં બંધ, આ કારણે લેવાયો મોટો નિર્ણય

અમદાવાદ RTOએ કોમર્શિયલ બાઈક અંગે મોટો નિર્ણય લીધો છે. કોમર્શિયલ ઉપયોગમા લેવાતી ટુવ્હીલર પર એક માસ સુધી પ્રતિબંધ મુક્યો છે. કોમર્શિયલ ઉપયોગમાં નોન કોમર્શિયલ વાહન ઉપયોગ કરતા કાર્યવાહીનો સપાટો બાલાવવામાં આવ્યો છે. ત્યારે હવે એક મહિના સુધી રેપીડો બાઈક પર પ્રતિબંધ મુક્યો છે.

RTOએ કોમર્શિયલ બાઈક અંગે મોટો નિર્ણય લીધો

ભાડે ચાલતી રેપીડો બાઈક અને અન્ય રાઇડ પર પ્રતિંબધ મુક્યો છે. સફેદ નંબર પ્લેટના વાહનોનો ઉપયોગ કરાતા કાર્યવાહી કરવામાં આવી છે. રીક્ષા યુનિયનની ફરિયાદના આધારે કાર્યવાહી કરવામાં આવી છે. આવા વાહનોથી ટ્રાફિક નિયમ ભંગ અને રીક્ષા ચાલકોને નુકશાન થતું હોવાની પણ ફરિયાદ થઈ હતી.

આ પણ વાંચો: મેં ક્યારેય કીધું કે મારે મહંત થાવું છે?' સતાધાર ધામના વિવાદ પર નરેન્દ્ર સોલંકીનો ખુલાસો

અગાઉ પણ RTOએ ઉબર ટેક્સી રેપીડો પર પ્રતિબંધ મૂક્યો હતો

અગાઉ પણ અમદાવાદ RTOએ ઓનલાઈન એપ આધારીત ઉબર ટેક્સી અને રેપીડોને પર પ્રતિબંધ મુક્યો હતો. RTOની મંજૂરી વિના વાહનો દોડાવાતા હોવાની ફરિયાદો બાદ કાર્યવાહી કરાઇ હતી. RTOની મંજૂરી વિનાના ઉબર અને રેપીડોના વાહનો રોડ પર દેખાશે તો જપ્ત કરાશે તેવી સુચનાઓ પણ આપી હતી. મે 2023ની આ વાત છે

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ