પ્રતિક્રિયા / જેનિફરના ગંભીર આરોપો બાદ હવે TARAK MAHETA ના ભીડેનું નિવેદન આવ્યું સામે, કહ્યું માહોલ ખરાબ હતો તો 14 વર્ષ...

• અસિત મોદી પર સેક્સ્યુઅલ હેરેઝમેન્ટ આરોપનો મામલો
• ભીડે'નું પાત્ર ભજવતા અભિનેતાનું નિવેદન
• તો શો 14 વર્ષ સુધી ચાલ્યો ન હોત...

'તારક મહેતા કા ઉલ્ટા ચશ્મા'ના પ્રોડ્યૂસર અસિત કુમાર મોદી પર એક્ટ્રેસે ગંભીર આક્ષેપો લગાવ્યા હતા. જેનિફર મિસ્ત્રી બંસીવાલ જે TMKOCમાં છેલ્લા 14 વર્ષથી મિસિસ રોશન સોઢીનું પાત્ર ભજવી રહી છે, તેણે પ્રોડ્યૂસર અસિત મોદી, પ્રોજેક્ટ હેડ અને એક્ઝિક્યુટિવ પ્રોડ્યૂસર સાથે શારીરિક શોષણ કરવાનો આરોપ લગાવતા ખળભળાટ મચી ગયો હતો. અભિનેત્રીએ એવો આક્ષેપ કર્યો કે અસિતે તેને ઘણી વખત સેક્સ્યુઅલ હેરેઝમેન્ટ કરી હતી. પરંતુ કામ જવાના ડરને પગલે શરૂઆતમાં વસ્તુઓની અવગણના કરી હોવાનો ઉલ્લેખ કર્યો હતો. બને ડર હતો કે તેને કામ મળતું બંધ થઈ જશે. આ મુદ્દો હાલ દેશ ભરમાં ગાજી રહ્યો છે. ત્યારે આ મામલે શોમાં 'ભીડે'નું નિવેદન સામે આવ્યું છે.

તો શો 14 વર્ષ સુધી ચાલ્યો ન હોત
તારક મહેતામાં ભીડે'નું પાત્ર ભજવતા અભિનેતા મંદાર ચાંદવાડકરે આ અંગે જણાવ્યું કે તેણીએ આવું શા કારણે કર્યું તે મામલે હું પણ વિચારી રહ્યો છું! બંને વચ્ચે શું થયું તેની મને બિલકુલ જાણ નથી. વધુમા સેટ પર મેલ શેવનિષ્ટ' જેવું કોઈ વાતાવરણ નથી. તેના બદલે એકદમ સારું વાતાવરણ છે. સ્પષ્ટ વાત એ છે કે જો વાતાવરણ પવિત્ર ન હોય તો શો 14 વર્ષ સુધી ચાલ્યો ન હોત.

શુ છે સમગ્ર કેસ?

જેનિફરે જણાવ્યું કે, 6 માર્ચે તેની સાથે કંઈક થયું જે તે ભૂલી શકતી નથી. તેણે કહ્યું કે 6 માર્ચે તેની વર્ષગાંઠ હતી, જે દિવસે આ ઘટના બની હતી. મને ઘરે જવા દેવામાં આવી ન હતી અને પ્રોજેકટ મેનેજર સાથે મેકર્સે મારી કાર રોકી હતી અને મને ધમકી આપી હતી. મેં તેમને કહ્યું કે આટલા વર્ષોથી હું આ સિરિયલમાં કામ કરી રહી છું, તમે મારી સાથે આવું નહીં કરી શકો. ત્યારબાદ તેઓએ મને ડરાવી ધમકાવી હતો. મેં ત્રણ લોકો વિરુદ્ધ જાતીય સતામણીનો કેસ દાખલ કર્યો છે.તેણે તારક મહેતા કા ઉલ્ટા ચશ્માના નિર્માતાઓ પર પણ જાતીય સતામણીનો આરોપ લગાવ્યો હતો. જેનિફરે કહ્યું- ઘણી વખત તેણે મારો ફાયદો ઉઠાવવાનો પ્રયાસ કર્યો પરંતુ દરેક વખતે મેં તેને જવા દીધો. કારણ કે જો હું અવાજ ઉઠાવીશ તો મારું કામ મારાથી દૂર થઈ જશે. કેટલી વાર મને ઘરે જવા દેવામાં આવી ન હતી, મેં કેટલીય વાર ફરિયાદ કરી હતી પરંતુ કોઈ પગલાં લેવાયા નહોતા.