ત્રિપલ અકસ્માત / પાટણના સાંતલપુરમાં બે કાર અને બાઈક અથડાતા એકનું મોત, બે ઈજાગ્રસ્તોને હોસ્પિટલમાં ખસેડાયા

• સાંતલપુરના લોદરા અને બોરૂડા ગામ વચ્ચે અક્સ્માત 
• બે કાર અને બાઈક વચ્ચે ત્રિપલ અકસ્માત
• અકસ્માતમાં બાઈક સવારનું ઘટનાસ્થળે નિપજ્યું મોત

વર્તમાનમાં રોડ અકસ્માતની ઘટના વધી રહી હોય તેવું જણાઈ રહ્યું છે, ટ્રાફિકના વિવિધ નિયમોનું પાલન ન થતું હોવાથી કે પછી બેકાબૂ સ્પીડના કારણે રોડ અકસ્માતના બનાવો વધી રહ્યાં છે. પાટણના સાંતલપુરમાં લોદરા અને બોરૂડા ગામ વચ્ચે ગંભીર અક્સ્માત સર્જાયો છે. 

પાટણ: સાંતલપુરમાં બે કાર અને બાઈક વચ્ચે ત્રિપલ અક્સ્માત, બાઈક સવારનું ઘટનાસ્થળે મોત, ઈજાગ્રસ્તોને હોસ્પિટલમાં ખસેડાયા#vtvgujarati #patan #accident pic.twitter.com/HkDO7xnRwF

— VTV Gujarati News and Beyond (@VtvGujarati) May 15, 2023

બાઈક સવારનું ઘટનાસ્થળે જ મોત
સાંતલપુરમાં બે કાર અને બાઈક વચ્ચે ત્રિપલ અક્સ્માત સર્જાયું છે જેમાં બાઈક સવારનું ઘટનાસ્થળે જ મોત નિપજ્યું છે. અકસ્માતમાં બે લોકો ઈજાગ્રસ્ત થયાં હતાં તેમને તાત્કાલિક સારવાર માટે રાધનપુર ખાતે હોસ્પિટલ ખસેડાયા હતા.

પોલીસે તપાસ હાથ ધરી 
અરરાટી ભર્યા અકસ્માતના પગલે સમગ્ર પંથકમાં શોકનો માહોલ છવાયો હતો તેમજ પરિવારજનો ઘેરા શોકમાં ગરકાવ થયા છે. જો કે, સમગ્ર બનાવને લઈ વારાહી પોલીસે તપાસ હાથ ધરી છે. 

બોટાદના ઢસા ગામે રાજકોટ રોડ પર અકસ્માત 
બોટાદ-ગઢડાના ઢસા ગામે રાજકોટ રોડ પર અકસ્માતની ઘટના સામે આવી છે. ઢસા ગામે કાર અને એક્ટિવા વચ્ચે અકસ્માત સર્જાતા માતા અને પુત્રના કમકમાટીભર્યા મોત નિપજ્યાં છે. પ્રાથમિક વિગતો મુજબ ફુલ ઝડપે આવતી કારે એક્ટિવા ચાલકને પાછળથી જોરદાર ટક્કર મારતાં આ અકસ્માત સર્જાયો હતો. માહિતી મુજબ માતા અને પુત્ર એક્ટિવા લઈને લૌકિકના કામે જતા હતા ત્યારે અકસ્માત સર્જાયો હતો. ઘટનાની જાણ થતાં 108ની ટીમ અને પોલીસે ઘટનાસ્થળે પહોંચી વધુ તપાસ હાથ ધરી હતી.