અયોધ્યા રામ મંદિર / સુરતમાં 9,999 હીરા જડિત રામ મંદિર, તો કચ્છમાં 70 ટનનું રામ રેત શિલ્પ, પ્રભુ રામને આવકારવા ગુજરાતીઓમાં જબરદસ્ત ઉત્સાહ

• અયોધ્યા રામ મંદિર પ્રાણ પ્રતિષ્ઠા મહોત્સવને લઈ લોકોમાં અનેરો માહોલ
• ભૂજમાં રામમંદિરનું રેત શિલ્પ તૈયાર કરાયું
• સુરતમાં 9999 હીરાની દીવાલમાં રામમંદિરની બનાવી પ્રતિકૃતિ

ભૂજમાં રામમંદિરનું રેત શિલ્પ તૈયાર કરાયું
કચ્છ વિશા ઓશવાળ સંસ્થા દ્વારા આયોધ્યા સ્થિત નવનિર્મિત રામ મંદિરની પ્રતિકૃતિ ભુજ ખાતે 70 ટન રેતીના ઉપયોગ કરી બનાવી છે. કચ્છના રેત શિલ્પકાર તેમજ સાથી કારીગરોની મદદ વડે ચોવીસ કલાક કાર્ય કરી  રેત શિલ્પની પ્રતિકૃતિ બનાવી છે.આ વિશે કવીઓ જૈન મહાજન સંસ્થાના પ્રમુખ જિગર તારાચંદભાઈ છેડાએ જણાવ્યું હતું કે રેત શિલ્પની પ્રતિકૃતિના નિર્માણ સાથે રામ મંદિર પ્રાણ પ્રતિષ્ઠા મહોત્સવની ઉજવણીમાં સહભાગી થશુ

રામાયણના પ્રસંગોની 22 રંગોળી બનાવી આખી રામાયણ દર્શાવી 
વડોદરામાં પ્રાણ પ્રતિષ્ઠા મહોત્સવની અનોખી ઉજવણી કરવામાં આવી રહી છે. કલાકારોએ 60 ફૂટની રંગોળી દોરી ઉજવણી કરી હતી. રામ ભગવાનના મંદિરની આબેહૂબ રંગોળી બનાવી હતી. રામાયણના પ્રસંગોની 22 રંગોળી બનાવી આખી રામાયણ દર્શાવી હતી. છ દિવસની મહેનત બાદ રંગોળી તૈયાર થઈ હતી. સમા સ્પોર્ટસ કોમ્પ્લેક્ષ ખાતે કાલથી નાગરિકો માટે રંગોળીનું પ્રદર્શન ખુલ્લુ મુકાશે. કલાકારોએ કહ્યું વડાપ્રધાન નરેન્દ્ર મોદી ભગવાન રામને નમન કરતા હોય તેમ દર્શાવ્યા છે. 

વધુ વાંચોઃ છેલ્લા 57 વર્ષથી દ્વારકામાં ચાલી રહી છે અખંડ રામધૂન, ભૂકંપ અને વાવાઝોડા હોય કે પછી કોરોના મંદિરમાં આજ સુધી નથી લાગ્યું તાળું

9999 હીરાની દીવાલમાં રામમંદિરની બનાવી પ્રતિકૃતિ
રામ મંદિર 'પ્રાણ પ્રતિષ્ઠા' સમારોહ પહેલા, સુરતના એક આર્કિટેક્ટ ઇન્ટિરિયર ડિઝાઇનર કમ આર્ટિસ્ટે 9,999 હીરાનો ઉપયોગ કરીને ભગવાન રામ અને મંદિરની ભવ્ય પ્રતિકૃતિ બનાવી છે. હીરા ઉદ્યોગપતિએ 9999 હીરાનો ઉપયોગ કરીને હીરાની દીવાલ પર રામમંદિરની પ્રતિકૃતિ બનાવામાં આવી હતી અને જયશ્રી રામ લખવામાં આવ્યું હતુ.