સંશોધન / વૈજ્ઞાનિકોએ બનાવ્યા 3d પ્રિન્ટિંગથી ધરાવતા હાર્ટના પાર્ટ્સ, હાર્ટ ટ્રાન્સપ્લાન્ટમાં બનશે મદદરૂપ

વિજ્ઞાનીઓ કહે છે કે થ્રીડી પ્રિન્ટિંગ (3D bioprinting heart) ટેકનોલોજીથી એક દિવસ આખુ હદય બનાવી શકાશે. સાયન્સ (science) જર્નલમાં આ નવી શોધનો અહેવાલ પ્રસિધ્ધ થયો છે. વિજ્ઞાનીઓએ બનાવેલા હદયના કેટલાક પાર્ટસ અસલી પાર્ટસની જેમ જ બાયોકેમિકલ સિગ્નલ પેદા કરીને કામ કરી શકે છે.

વિજ્ઞાનીઓએ હદયનો વાલ્વ બનાવ્યો છે જે બરોબર કામ કરે છે.આ ટેકનિકથી બનાવેલા વાલ્વ જેવા હદયના પાર્ટનો પહેલા પ્રાણીઓ પર પ્રયોગ કરાશે અને ત્યાર પછી માનવીમાં.આ ટેકનિકથી હાર્ટ ટ્રાન્સપ્લાન્ટ જરુરી છે તેવા દર્દીઓને કૃત્રિમ પરંતુ જૈવિક એવા હદયથી નવું જીવન મળશે.

આમ તો મેડિકલ ક્ષેત્રે થ્રીડી પ્રિન્ટિંગનો અત્યારે વ્યાપક ઉપયોગ થઇ રહ્યો છે.અનેક પ્રકારના મેડિકલ ડિવાઇસ કે દર્દીના વિવિધ અંગો સાથે મેચ થઇ શકે તે બનાવવામાં આવી રહ્યા છે. થ્રીડી પ્રિન્ટિંગ ટેકનોલોજીની શરુઆત આમ તો 1988થી થઇ છે.પહેલું થ્રીડી પ્રિન્ટર એક લાખ ડોલરમાં વેચાયું હતું. તે પછી ધીમે-ધીમે તેનો ઉપયોગ ડેન્ટલ ઇમ્પ્લાન્ટ બનાવવામાં થવા લાગ્યો. વિજ્ઞાનીઓ અત્યારે કિડની,લીવર સહિતના અંગો થ્રીડી પ્રિન્ટિંગથી બનાવવાના પ્રયાસ કરી રહ્યા છે.એન્જિનિયરીંગ ફિલ્ડમાં થ્રીડી પ્રિન્ટિંગનો ઉપયોગ અમેરિકા અને યુરોપીય દેશો તેમજ જાપાન અને કોરિયામાં હવે વધી રહ્યો છે.