ગોધરાથી ઉમરાહ યાત્રા કરવા ગયેલા 23 ગુજરાતીઓ સાથે એજન્ટ દ્વારા છેંતરપીંડી કરવામાં આવતા ત્યાં ફસાયા છે. સાઉદી અરેબિયાનાં મક્કા ખાતે લોકો અટવાયા છે. યાત્રિકોનાં પરિવારજનો દ્વારા પૈસા પર મળે અને અટવાયેલા લોકોને પરત પરત લાવવાની માંગણી કરી છે.
Share
ગોધરાથી ઉમરાહ યાત્રા કરવા ગયેલા 23 લોકો ફસાયા
એજન્ટ દ્વારા છેતરપીંડી કરાતા યાત્રિકો ફસાયા
સાઉદી અરેબિયાનાં મક્કા ખાતે અટવાયા લોકો
પંચમહાલ થી ઉમરાહ માટે સાઉદી અરેબિયા ગયેલા 21 થી વધુ લોકો એજન્ટ ના પાપે ફસાયા છે. એજન્ટ દ્વારા ઉમરાહ માટે મોકલ્યા બાદ ત્યાં પહોંચેલા યાત્રાળુઓ રસ્તા પર આવી ગયા છે. સાઉદી અરેબિયા પહોંચ્યા બાદ હોટેલ બુકીંગ થી જિયારત સહિતની સેવાઓ નહિ મળતા અને પરત વતન આવાનો કોઈ રસ્તો ન રહેતા ભૂખ્યા તરસ્યા 23 જેટલા યાત્રાળુઓ ફસાતા પરિવારજનો ચિંતા માં મુકાયા છે.
યાત્રીકોને હોટલમાંથી કાઢી મુકતા અટવાયા
છેલ્લા 4 દિવસથી ખુલ્લા ગ્રાઉન્ડમાં ભૂખ્યા રઝળી રહ્યા હતા
ગોધરા ના પશ્ચિમ વિસ્તાર ના અંદાજીત 23 જેટલા લોકો સાઉદી અરેબિયા ના મક્કા ખાતે પવિત્ર ઉમરાહ યાત્રા માટે ગોધરા માં આવેલ અલ હયાત નામની ટુર એજન્સી દ્વારા ગત 23 સપ્ટેમ્બર ના રોજ બોમ્બે એરપોર્ટ મોકલવા માં આવ્યા હતા.પરંતુ ત્યાં વિઝા સહિત ના ડોક્યુમેન્ટ માં કવેરી આવતા બે થી ત્રણ દિવસ સુધી બોમ્બે એરપોર્ટ ખાતે અટવાવાનો વારો આવ્યો હતો. જો કે બે ત્રણ દિવસ બાદ એજન્ટ દ્વારા કોઈપણ તરકીબ અજમાવીને તમામ યાત્રાળુઓને સાઉદી અરેબિયાના જીદ્દાહ ખાતે મોકલવામાં આવ્યા હતા. જો કે ત્યાં પહોંચ્યા બાદ પણ આ યાત્રાળુઓને ભારે મુશ્કેલીઓ વેઠવી પડી હતી. જો કે આખરે એજન્ટ દ્વારા બતાવવામાં આવેલી હોટેલ પર પહોંચ્યા બાદ બીજે દિવસ સવારે આ તમામ યાત્રાળુઓને હોટેલના સંચાલકો દ્વારા બહાર કાઢી મુકવામાં આવ્યા હતાં.તમામ લોકો રસ્તા પર આવી જતા ભારે હાલકી વચ્ચે ખુલ્લા ગ્રાઉન્ડમાં 3 થી 4 દિવસ વિતાવવાનો વારો આવ્યો હતો.
ટ્રાવેલ્સ સંચાલક ફરાર થઈ ગયો
એજન્ટ દ્વારા છેતરપીંડી કરતા યાત્રિકો ફસાયા
બીજી તરફ ગોધરા ખાતે આવેલા અલ હયાત ટુર્સ એન્ડ ટ્રાવેલના સંચાલકોના ફોન પણ બંધ આવતા યાત્રાળુઓ નોંધારા બની ગયા હતાં. અજાણ્યા દેશમાં પોતાના પૈસા ખર્ચી જે પણ સગવડ મળે તે લઈ દિવસો પસાર કરી રહ્યા છે. જો કે બીજી તરફ બીજા લોટમાં ઉમરાહ માટે જનારા સંખ્યાબંધ લોકો ના પૈસા અને પાસપોર્ટ લઈને એજન્ટ ફરાર થઈ ગયો છે. એક વ્યક્તિ દીઠ 70 થી 80 હજાર રૂપિયા ઉઘરાવી ઓફિસે તાળા મારી દેતા ગોધરા સહિત આસપાસના વિસ્તારના સંખ્યાબંધ લોકો છેતરાયા હોવાનો અહેસાસ થતા એજન્ટની ઓફિસે ધક્કા ખાઈ રહ્યા છે. મક્કામાં ફસાયેલા 23 થી વધારે લોકો પોતે પરત આવાની તેમજ જેના પૈસા લઈ એજન્ટ ફરાર થઇ ગયો છે. તે તમામ લોકો પૈસા પરત મેળવવાની માંગ કરી રહ્યા છે.
રતનસિંહ રાઠોડ (સાંસદ પંચમહાલ)
અટવાયેલા લોકોને પરત લાવવા વિદેશ મંત્રાયલમાં વાત કરશેઃ રતનસિંહ રાઠોડ (સાંસદ)
આ સમગ્ર મામલે પંચમહાલ સાંસદ રતનસિંહ રાઠોડ દ્વારા તમામ પરિવારો ને આશ્વાસન આપવામાં આવ્યું છે. અટવાયેલા લોકોને વતન પરત લાવવા માટે પોતે વિદેશ મંત્રાલયમાં વાત કરશે અને પરિવારોને ન્યાય અપાવવા માટે પોતે તમામ પ્રયત્નો કરશે તેવુ આશ્વાસન આપ્યું હતું.
