કાર્યવાહી / આણંદમાં ધોરણ 12ની પરીક્ષામાં માસ કોપી કેસ, કેન્દ્રના 50 કર્મીઓ સસ્પેન્ડ, ચોરીની ટ્રિક જોતાં ગાંધીનગરથી તપાસના આદેશ

Education News:આણંદમાં ધોરણ 12ની પરીક્ષામાં માસ કોપી કેસ નોધાયો છે. કરમસદની સરદાર પટેલ વિદ્યામંદિર શાળાની ઘટના છે અહી વિદ્યાર્થીઓને કોપી કરાવતા પરીક્ષા કેન્દ્રના 50 કર્મીઓ સસ્પેન્ડ કરી દેવાયા છે. પરીક્ષામાં વિદ્યાર્થીઓને બારીમાંથી જવાબ લખાવ્યા હોવાનું સામે આવ્યું છે. સમગ્ર મામલો સામે આવતા DEOએ તપાસના આદેશ આપ્યા છે. તાત્કાલીક અસરથી વિદ્યાર્થીઓના હિતમાં  પરીક્ષા કેન્દ્ર રદ્દ કરવામાં આવ્યું છે. VTVના અહેવાલ બાદ શિક્ષણ રાજ્યમંત્રી પ્રફૂલ પાનસેરિયાએ કહ્યુ છે કે જે કોઈ પણ ઘટનામાં સામેલ હશે તેમની સામે કડક કાર્યવાહી થશે.

માસ કોપી કેસમાં સ્ટાફ સસ્પેન્ડ

રાજ્યમાં બોર્ડની ધોરણ 10 અને ધોરણ 12ની પરીક્ષાઓ ચાલી રહી છે ત્યારે આણંદના કરમસદ પરીક્ષા કેન્દ્રમાં પરીક્ષામાં ચોકાવનારી ઘટના સામે આવી છે. માસ કોપી કેસમાં સામેલ 50 કર્મીના સ્ટાફને સસ્પેન્ડ કરવામાં આવ્યો છે. આણંદમાં ધો.12 ની પરીક્ષા દરમિયાન કરમસદ પરીક્ષા કેન્દ્રમાં માસ કોપી કેસની ઘટના સામે આવી હતી. પરીક્ષામાં કોઇ ગેરરીતી નથી થઇ રહે તેની તપાસ માટે જિલ્લા શિક્ષણ અધિકારી કેન્દ્રની મુલાકાતે નીકળ્યા હતા. દરમિયાન કરમસદ પરીક્ષા કેન્દ્રમાં ગેરરીતી થતી હોવાનું તેમના ધ્યાને આવ્યુ હતું. 

વધુ વાંચોઃ મુશ્કેલી / હે રામ! એમ્બ્યુલન્સ ટ્રાફિકમાં અટવાતા હાર્ટએટેકના દર્દીનું મોત, બીજા રસ્તાનો પ્લાન પણ ફેલ, બનાસકાંઠાનો બનાવ

બારીમાંથી જવાબો લખાવવામાં આવતા

કરમસદની સરદાર પટેલ વિદ્યામંદિર શાળામાં બોર્ડનું પરીક્ષા કેન્દ્ર ફાળવવામાં આવ્યુ છે. આ પરીક્ષા કેન્દ્રમાં બારીમાંથી કોઇ જવાબ લખાવી રહ્યુ હોવાનું સામે આવતા અધિકારીઓ પણ ચોકી ઉઠ્યા હતા. ધોરણ 12ની પરીક્ષામાં માસ કોપી કેસનો કેસ નોધવામાં આવ્યો છે અને તાત્કાલીક અસરથી પરીક્ષા કેન્દ્રના 50 કર્મીઓને તમામ સ્ટાફને સસ્પેન્ડ કરી દેવાયો છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો