કુદરતી કહેર / હિમાચલમાં 2 બાળકો સહિત 11નાં મોત, 700 માર્ગ બંધ, નદીઓ ગાંડીતૂર, જ્યાં જુઓ ત્યાં તબાહી

• હિમાચલ પ્રદેશમાં વરસાદે ફરી એકવાર તારાજી સર્જી
• છેલ્લા 24 કલાકમાં બે બાળકો સહિત 11 લોકોના મોત
• શિમલામાં મૃત્યુઆંક 26એ પહોંચ્યો, કેટલાક ઘરોને પણ નુકસાન

હિમાચલ પ્રદેશમાં ભારે વરસાદ : હિમાચલ પ્રદેશમાં વરસાદે ફરી એકવાર તારાજી સર્જી છે. વિગતો મુજબ હિમાચલ પ્રદેશમાં છેલ્લા 24 કલાકમાં બે બાળકો સહિત 11 લોકોના મોત થયા છે. નોંધનીય છે કે, મંડી જિલ્લામાં વાદળ ફાટવાની બે ઘટનાઓ બની હતી. ભારે વરસાદ બાદ ચંદીગઢ-શિમલા, ચંદીગઢ-મનાલી ફોરલેન સહિત 700થી વધુ રસ્તાઓ બંધ કરી દેવામાં આવ્યા છે. 

કેટલાક ઘરોને પણ નુકસાન
સોલન જિલ્લાના શાકલ ગામમાં પણ કેટલાક ઘરોને નુકસાન થયું છે. શિમલાથી ચંદીગઢને જોડતો શિમલા-કાલકા નેશનલ હાઈવે 5 પણ ફરીથી બ્લોક કરી દેવામાં આવ્યો છે. મંડી-પઠાણકોટ રોડ પણ બંધ છે. ગઈકાલે રાત્રે બિલાસપુરમાં 181 મીમી જ્યારે શિમલામાં 132 મીમી વરસાદ નોંધાયો હતો. હવામાન વિભાગે શિમલા સહિત અનેક જિલ્લાઓમાં પૂરના ભય વિશે પણ જણાવ્યું છે.

VIDEO | Several buildings collapsed in Himachal Pradesh’s Kullu due to rain-triggered landslides in the district. More details are awaited.

(Source: Third Party) pic.twitter.com/hxDbYgzoQJ

— Press Trust of India (@PTI_News) August 24, 2023

શિમલામાં મૃત્યુઆંક 26એ પહોંચ્યો 
શિમલાના પોલીસ અધિક્ષક સંજીવ કુમાર ગાંધીએ જણાવ્યું હતું કે, ઝાલો નામના પરપ્રાંતિય અને તેની પત્ની રાજકુમારીના મૃતદેહ બાલદેયાન વિસ્તારમાં એક ઘરમાંથી મળી આવ્યા હતા. શિમલામાં વરસાદ સંબંધિત ઘટનાઓમાં મૃત્યુઆંક વધીને 26 થયો છે. તેમાંથી 17 લોકો સમર હિલ વિસ્તારમાં ભૂસ્ખલનમાં મૃત્યુ પામ્યા હતા, જ્યારે ફાગલીમાં પાંચ અને કૃષ્ણ નગરમાં બે લોકોના મોત થયા હતા. સોલન જિલ્લામાં ભૂસ્ખલનને કારણે કેટલાક મકાનોને પણ નુકસાન થયું છે. સોલન શહેરની સીમમાં આવેલા શાકલ ગામમાં કેટલાક ઘરોમાં પાણી ઘૂસી જતાં નુકસાન થયું હતું. ભૂસ્ખલન બાદ સબાથુ વિસ્તારમાં કેટલાક મકાનો અને વાહનોને પણ નુકસાન થયાના અહેવાલ છે.

Disturbing visuals emerge from Anni, Kullu, depicting a massive commercial building collapsing amidst a devastating landslide.

It's noteworthy that the administration had identified the risk and successfully evacuated the building two days prior. pic.twitter.com/cGAf0pPtGd

— Sukhvinder Singh Sukhu (@SukhuSukhvinder) August 24, 2023

બિયાસ નદી પાસેના સ્ટોન ક્રશર બંધ કરવાનો આદેશ
હિમાચલ પ્રદેશના મુખ્ય પ્રધાન સુખવિન્દર સિંહ સુખુએ બિયાસ નદી બેસિન અને તેમની ઉપનદીઓની નાની નદીઓમાં, બારમાસી અને બિન-બારમાસી બંનેમાં સ્ટોન ક્રશરનો ઉપયોગ તાત્કાલિક અસરથી બંધ કરવાનો નિર્ણય લીધો છે. તેમણે કહ્યું કે ચોમાસા દરમિયાન ઇકોલોજીમાં ચિંતાજનક ફેરફારને ધ્યાનમાં રાખીને આ નિર્ણય લેવામાં આવ્યો છે. બિયાસ નદીની ખીણ અને તેની ઉપનદીઓએ કુલ્લુ, મંડી કાંગડા અને હમીરપુર જિલ્લામાં ભારે વિનાશ સર્જ્યો હતો.

આ સાથે CM સુખુએ કહ્યું કે, પર્યાવરણ, વિજ્ઞાન અને ટેકનોલોજી અને આબોહવા પરિવર્તન વિભાગને તાત્કાલિક IITs, NITs, R&D સંસ્થાઓ અને યુનિવર્સિટીઓના નિષ્ણાતો પાસેથી ઉચ્ચ સ્તરીય નિષ્ણાત પરામર્શ મેળવવા સૂચના આપવામાં આવી છે જેથી આવી આપત્તિજનક પરિસ્થિતિનું કારણ બને તેવા પરિબળોને ઓળખી શકાય.