હત્યા કે પછી? / SG હાઇવે પર શંકાસ્પદ હાલતમાં યુવકનો મૃતદેહ મળતા હડકંપ! શરીર પર હતા આવા નિશાન, પોલીસ પણ ચોંકી

• અમદાવાદના SG હાઇવે પર યુવકનું શંકાસ્પદ મોત
• વૈષ્ણોદેવી સર્કલ પાસેથી મળી આવ્યો યુવકનો મૃતદેહ
• સોલા પોલીસે સમગ્ર મામલે વધુ તપાસ હાથ ધરી

અમદાવાદના SG હાઇવે પર એક યુવકનું શંકાસ્પદ મોત થયું હોવાની ઘટના સામે આવી છે. શહેરના વૈષ્ણોદેવી સર્કલ પાસેથી મળી આવ્યો હાર્દિક ઠક્કર નામના યુવકનો મૃતદેહ મળી આવતા સોલા પોલીસ દોડતી થઇ ગઇ છે. બિનવારસી ઓટોરિક્ષામાં મૃતદેહ મળી આવતા પોલીસને જાણ થતા જ સોલા પોલીસ તુરંત ઘટનાસ્થળે પહોંચી ગઇ છે.

અમદાવાદના SG હાઇવે પર યુવકનું શંકાસ્પદ મોત: વૈષ્ણોદેવી સર્કલ પાસેથી મળી આવ્યો હાર્દિક ઠક્કર નામના યુવકનો મૃતદેહ, મૃતદેહને સોલા સિવિલ ખાતે PM અર્થે ખસેડી સોલા પોલીસે વધુ તપાસ હાથ ધરી#Ahmedabad #SGhighway

— VTV Gujarati News and Beyond (@VtvGujarati) December 17, 2022

મૃતક યુવક પાટણના હારીજમાં રહેતો હતો
મૃતક યુવકના મૃતદેહ પર ઈજાના નિશાન પણ મળી આવ્યા છે. મૃતક યુવક હાર્દિક ઠક્કર પાટણના હારીજમાં રહેતો હોવાનું જાણવા મળી રહ્યું છે. યુવકનો મૃતદેહ સળગેલી હાલતમાં મળી આવ્યો છે. ત્યારે હાલમાં મૃતદેહને પોલીસે સોલા સિવિલ ખાતે PM અર્થે ખસેડવામાં આવ્યો છે. સોલા પોલીસે આ સમગ્ર મામલે વધુ તપાસ પણ હાથ ધરવાની શરૂ કરી દીધી છે.

તાજેતરમાં જ પ્રેમ પ્રકરણ મુદ્દે એક યુવકની હત્યા કરી દેવાઇ હતી
ઉલ્લેખનીય છે કે શહેરમાં તાજેતરમાં જ અન્ય પણ એક હત્યાનો બનાવ સામે આવ્યો હતો. જેમાં પ્રેમ પ્રકરણમાં છરીના ઘા ઝીંકીને એક યુવકને મોતને ઘાટ ઉતારી દેવામાં આવ્યો હતો. શહેરના બહેરામપુરા વિસ્તારમાં રહેતા રોનક સોલંકી નામના 23 વર્ષીય યુવકની હત્યા કરી નખાઇ હતી. રોનક સોલંકી 14 ડિસેમ્બર 2022 ના રોજ સવારે નોકરી પર જવા માટે નીકળ્યો હતો પરંતુ તે જીવિત ઘરે પરત ન હતો ફર્યો.