આવું ન કરો / VIDEO : વ્હાઈટ શોર્ટ્સમાં નખરાં! ગાંધીનગરમાં કેનાલની પાળ ઊભા રહી યુવતીએ કર્યું જોખમી ફોટોશૂટ

સોશિયલ મીડિયાની દુનિયામાં રાતોરાત ફેમસ થવા માટે લોકો જીવનું જોખમ ખેડતાં પણ અચકાતા નથી. આવી ઘેલછામાં ઘણી વાર જીવ ગુમાવવો પડતો હોય છે છતાં પણ લોકો ચેતવાનું નામ લેતા નથી, તાજેતરમાં ફોટોશૂટ-વીડિયો શૂટની ઘેલછામાં એક યુવતીએ આવું જ જોખમી કામ કર્યું હતું, એ સારુ થયું કે કંઈ ન થયું, હકીકતમાં આવી સ્થિતિમાં કંઈ પણ થઈ શકે.

ગાંધીનગરમાં યુવતીનું જોખમી ફોટોશૂટ

ગાંધીનગરમાં એક કેનાલની પાળે ઊભા રહીને યુવતિએ જોખમી ફોટોશૂટ કરાવ્યું હતું. જેનો એક વીડિયો વાયરલ થયો છે. વાયરલ વીડિયોમાં જોઈ શકાય છે કે યુવતી સફેદ શોર્ટસમાં કેનાલની પાળે ઊભેલી દેખાય છે અને તેની સામે એક પુરુષ કેમેરા વડે શૂટીંગ કરી રહ્યો છે.

ફોટોશૂટ બાદ વીડિયો વાયરલ

યુવતીએ ફોટોશૂટ બાદ વીડિયો અપલોડ કર્યો હતો જે સોશિયલ મીડિયામાં વાયરલ થયો છે. વીડિયો ગાધીનગર કેનાલનો હોવાનું અનુમાન છે.

વધુ વાંચો : ગુજ્જુ લવ ગુરુના પરિવાર પર આર્થિક મદદનો વરસાદ, જાણો કેટલી મળી સહાય, કોને નામે કેટલી FD?

22 ડિસેમ્બર 2021ની ઘટનાની યાદ તાજી થઈ

ઉલ્લેખનીય છે કે 22 ડિસેમ્બર 2021ના રોજ ફોટોશૂટના ચક્કરમાં 4 લોકોના મોત થયા હતા જે ઘટનાની યાદ તાજી થઈ છે. ગાંધીનગરના રાયપુર પાસેની કેનાલમાં ગોઝારી ઘટના બની હતી. અમદાવાદના કૃષ્ણનગરના 6 યુવકો બર્થ ડેની ઉજવણી બાદ ફોટોશૂટ કરાવી રહ્યા હતા. જેમાંથી 4 લોકોના ડૂબી જતા ચકચાર મચી હતી. યુવકો બર્થડેની ઉજવણી બાદ ફોટોશૂટ કરાવી રહ્યાં હતા ત્યારે અચાનક જ બેલેન્સ ગુમાવતાં 4 યુવકો કેનાલમાં પડી ગયા હતા. પાણીનું વહેણ એટલું વધારે હતું કે કેનાલમાં પડ્યા બાદ તરત જ ચારેય યુવાનો તણાઇ ગયા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ