ખેડા / મહાવીરસિંહે મહિલા મિત્રને ફ્રેન્ડ રિક્વેસ્ટ મોકલતાં કૃષ્ણપાલસિંહે ઝઘડો કર્યો, માતર મારામારીમાં સામસામી ફરીયાદ

માતરના લવાલ ગામમાં સામાજિક કાર્યકર મહિપતસિંહ ચૌહાણના દીકરા કૃષ્ણપાલસિંહ પર હુમલા કેસમાં સામસામી ફરીયાદ નોંધાઈ છે. એક પક્ષે 9 લોકો સામે તો બીજા પક્ષે 5 લોકો સામે નોંધાવી ફરિયાદ નોંધાવી છે. મહિપતસિંહ ચૌહાણના દીકરા કૃષ્ણપાલસિંહે રીલ્સ બનાવવા બાબતે ઝઘડો કર્યો હોવાનો ફરિયાદમાં કરાવ્યો ઉલ્લેખ કરાયો છે. તે ઉપરાંત મહાવીરસિંહ ચૌહાણે મહિલા મિત્રને ફ્રેન્ડ રિક્વેસ્ટ મોકલતાં કૃષ્ણપાલસિંહે ઝઘડો કર્યો હોવાનો પણ આરોપ છે. મહાવીરસિંહ ચૌહાણે મહિપતસિંહ ચૌહાણના સામાજિક કાર્યોની પ્રશંસા કરી હતી પરંતુ દીકરાને ગુંડો ગણાવ્યો હતો.

લવાલ ગામમાં ગત રોજ શું બન્યું હતું?

ખેડા જિલ્લાના માતર તાલુકાના લવાલ ગામમાં સામાજિક કાર્યકર મહિપતસિંહ ચૌહાણના પુત્ર ક્રિષ્નપાલસિંહ ચૌહાણ ખૂની હુમલાનો બનાવ સામે આવ્યો છે. 9 શખસોએ લોખંડની પાઈપના ઘા મારીને ગંભીર ઈજા પહોંચાડી હતી. આરોપીઓએ ક્રિષ્નપાલસિંહ ચૌહાણના કાકાને પણ માર માર્યો હતો. માતર પોલીસે 9 શખ્સો સામે ફરીયાદ દાખલ કરી છે.

સામાજિક કાર્યકરના પુત્ર પર કેમ કર્યો હુમલો?

ક્રિષ્નપાલસિંહ મહિપતસિંહ ચૌહાણ કોલેજમાં અભ્યાસ કરે છે અને તેના પિતા દ્વારા સંચાલિત મહિપતસિંહ ફાઉન્ડેશનના વૃદ્ધાશ્રમ, દિવ્યાંગ ટેકો આશ્રમ તથા શિક્ષણ સંકુલની સમાજસેવાકીય પ્રવૃત્તિઓના વીડિયો બનાવી સોશિયલ મીડિયા પર અપલોડ કરતો હતો. આ બાબત ગામના કેટલાક શખસોને પસંદ ન હોવાથી તેઓ અવારનવાર રિલ્સ અપલોડ કરવા મુદ્દે બોલાચાલી અને ઝઘડો કરતા હતા.

વધુ વાંચો : ગુજ્જુ લવ ગુરુના પરિવાર પર આર્થિક મદદનો વરસાદ, જાણો કેટલી મળી સહાય, કોને નામે કેટલી FD?

'સમાજસેવાની રિલ્સ કેમ અપલોડ કરે છે' કહીને કર્યો હુમલો

રવિવારે રાત્રે યુવક જમીને ગામના ગેટ પાસે ઊભો હતો ત્યારે મહાવીરસિંહ કિશોરસિંહ ચૌહાણ સહિતના નવ શખસો ત્યાં આવી પહોંચ્યા હતા. તેમણે સમાજસેવાની રિલ્સ કેમ અપલોડ કરે છે તેમ કહી ગાળો આપવાનું શરૂ કર્યું હતું. યુવકે ગાળો બોલવાની ના પાડતાં મહાવીરસિંહે લોખંડની પાઇપથી તેના માથામાં જમણી બાજુ ફટકો માર્યો હતો, જેથી માથામાં ગંભીર ઇજા થતાં લોહી વહેવા લાગ્યું હતું. ત્યારબાદ અન્ય આરોપીઓએ પણ ભેગા મળી યુવકને માર માર્યો હતો. પોલીસે સમગ્ર મામલે તપાસ શરુ કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ