વિવાદ / લગ્નના એક સપ્તાહ પહેલા જ યુવતી ઘર છોડીને ફરાર, અને ભાઈનો Video વાયરલ

ખેડા જિલ્લોના ગળતેશ્વર તાલુકોના નેતરિયા ગામમાં લગ્ન પહેલાં યુવતી પ્રેમી સાથે ફરાર થઈ જવાની ઘટના સામે આવતા વિસ્તારમાં ચર્ચાનો માહોલ સર્જાયો છે. પરિવારજનોના જણાવ્યા અનુસાર ક્ષત્રિય રાજપૂત સમાજની યુવતી પોતાના લગ્નના માત્ર એક અઠવાડિયા પહેલાં ઘર છોડીને ચાલી ગઈ હતી.

યુવતીના પરિવારજનોએ કર્યા આક્ષેપ

પરિવારનો આક્ષેપ છે કે યુવતી સાથે અંકિત રબારી નામનો યુવક ગયો છે. પરિવારજનોના દાવા મુજબ યુવતી ઘરેથી લાખો રૂપિયાના સોનાના ઘરેણાં તેમજ રોકડ રકમ લઈને નીકળી ગઈ હોવાનું પણ સામે આવ્યું છે.

યુવતીના ભાઈએ સમાજ સમક્ષ મદદની અપીલ કરી

આ ઘટનાને લઈને યુવતીના ભાઈએ સમાજ સમક્ષ મદદની અપીલ કરી છે. તેણે સોશિયલ મીડિયામાં એક વીડિયો જાહેર કરીને પોતાની બહેનને સુરક્ષિત પરત લાવવામાં સહકાર આપવા વિનંતી કરી હોવાનું જાણવા મળે છે. યુવક-યુવતી બંને ક્યાં છે તે અંગે હજી સુધી સત્તાવાર માહિતી સામે આવી નથી.

આ પણ વાંચોઃ PM મોદીના હસ્તે વડોદરામાં સરદાર ધામ-3નું લોકાર્પણ, રોડ શોને લઇ શહેરીજનોમાં ઉત્સાહ

આ ઘટના બાદ વિસ્તારમાં વિવિધ પ્રકારની ચર્ચાઓ ચાલી રહી છે, ત્યારે પરિવારજનો યુવતીની સલામત વાપસીની રાહ જોઈ રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ