તમારા કામનું / શિયાળામાં ચપટી વગાડતા વજન ઘટાડો: કરો આ ફૂડનું સેવન, પાચન પણ સરળ અને શરીર પણ રહેશે ગરમ

• જામફળ વજન ઘટાડવા માટે  અસરકારક 
• તજનાં સેવનથી ચરબી ઓછી થાય 
• શિયાળામાં વજન ઘટાડવા માટે બિટનું સેવન જરૂરી

શિયાળામાં શરીર ખુબજ આળસુ થઈ જાય છે. આ ઋતુમાં ખાવાની પણ ઘણી બધી વસ્તુઓ હોય છે.  જેના કારણે શિયાળામાં લોકોનું વજન વધી જાય છે. શિયાળામાં તમારું વજન નિયંત્રણમાં રાખવા માટે તમારે અમુક એવા ખોરાકનું સેવન કરવું જોઈએ જે આરામથી પાચન થઈ શકે. જાણો શિયાળામાં વજન ઘટાડવા માટે શું ખાવું જોઈએ? 

જામફળ વજન ઘટાડવા માટે  અસરકારક 
શિયાળામાં વજન ઘટાડવા માટે જામફળનું સેવન કરો. તેની અંદર ફાયબરનું પ્રમાણ હોય છે. જેના કારણે તમારું વજન જલ્દીથી નિયંત્રણમાં આવી જાય છે. તેના કારણે મેટાબોલિઝમ બુસ્ટ થાય છે અને કેલરી જલ્દીથી બર્ન થાય છે. જેથી તમારું વજન જલ્દીથી નિયંત્રણમાં આવી જશે. 

ગાજર 
શિયાળાની અંદર ગાજરનું સેવન કરવાથી તમારું વજન જલ્દીથી નિયંત્રણમાં આવી જશે. તેની અંદર આયર્ન અને ફાયબર જેવા પોષક તત્વો હોય છે. ગાજરનાં સેવનથી શરીર ગરમ રહે છે. 

મેથી દાળાનું સેવન કરવું જોઈએ 
શિયાળામાં વજન ઘટાડવા માટે મેથી દાળાનું સેવન કરવું જોઈએ.  મેથી દાળાનાં સેવનથી શરીરનું બ્લડ શુગર લેવલ નિયંત્રણમાં રહે છે. આ સાથે શરીરનું મેટાબોલિઝમ પણ બુસ્ટ થાય છે. જેના કારણે તમારું વજન ઓછું થઈ શકે છે. 

તજનાં સેવનથી ચરબી ઓછી થાય 
ભારતીય રસોડાની અંદર મળતું તલ વજન ઘટાડવા માટે ઘણું ફાયદાકારક છે. તેના સેવનથી પેટની ચરબી ઓછી થઈ જાય છે. તજની અંદર સિન્મોલ્ડેહાઈડ હોય છે જે મેટાબોલિઝમને નિયંત્રણમાં રાખવાનું કામ કરે છે. આ સાથે શરીરને ગરમ રાખવા માટે પણ અસરકારક છે. વજન ઘટાડવા માટે તજનાં પાણીનું સેવન કરો. જમવામાં પણ તજ પાઉડરનો ઉપયોગ કરો.  

બીટ વજન ઘટાડવામાં મદદ કરે 
શિયાળામાં વજન ઘટાડવા માટે બિટનું સેવન કરવું જોઈએ. તેની અંદર કેલરીની માત્રા ખુબજ ઓછી હોય છે. આ સાથે તે આયર્નનું ભંડાર હોય છે. બીટ શરીરને ગરમ રાખે છે.