યૌન શૌષણ કેસ / VIDEO : વિનેશ ફોગાટ અને સાક્ષી મલિક રડી પડી, જંતર-મંતર દેખાવમાં ભાવુક બની મહિલા પહેલવાનો

• કુસ્તીસંઘના ચીફ બ્રજભૂષણ સામે પહેલવાનોએ માંડ્યો મોરચો
• મહિલા પહેલવાન વિનેશ ફોગાટ અને સાક્ષી મલિકને ખૂબ લાગી આવ્યું
• બન્ને રડી પડી, બોલી-સાત છોકરીઓનું યૌન શૌષણ થયું તોય કાર્યવાહી નહીં 

ભારતીય કુસ્તીસંઘના પ્રેસિડન્ટ બ્રજભૂષણની ધરપકડની માગણીએ કુસ્તીબાજોએ ફરી વાર આંદોલન શરુ કર્યું છે. દિલ્હીના જંતર-મંતર પર પ્રદર્શન દરમિયાન આ મુદ્દે મીડિયા સાથેની વાતચીતમાં મહિલા પહેલવાન વિનેશ ફોગાટ અને સાક્ષી મલિક રડી પડ્યાં હતા. 

#WATCH | Delhi: Wrestlers Vinesh Phogat and Sakshi Malik break down while interacting with the media as they protest against WFI chief Brij Bhushan Singh pic.twitter.com/OVsWDp2YuA

— ANI (@ANI) April 23, 2023

સાત સગીરાઓનું યૌન શૌષણ થયું તોય કાર્યવાહી નહીં
પહેલવાનોએ એવું પણ કહ્યું કે સાત સગીરાઓનું યૌન શૌષણ થયું છે તોય જવાબદારો સામે કોઈ કાર્યવાહી કરાઈ નથી અમે છેલ્લા 4 મહિનાથી રાહ જોઈ રહ્યાં છીએ એટલે કે હવે જ્યાં સુધી તેમની ધરપકડ નહીં થાય ત્યાં સુધી વિરોધ ચાલું રાખીશું. 

પહેલવાનોની શું છે માગ
પહેલવાન બજરંગ પુનિયાએ કહ્યું કે અમે દિલ્હી પોલીસને લેખિતમાં ફરીયાદ આપી હતી કે સાત સગીરાઓનું યૌન શૌષણ થયું છે તોય બ્રજભૂષણ સામે ફરિયાદ થઈ નથી. 

જાન્યુઆરી 2023માં પહેલી વાર કૂસ્તીબાજોએ શરુ કર્યો હતો દેખાવ 
બ્રિજ ભૂષણ સિંઘ સામેના આક્ષેપોની તપાસ માટે ખેલ મંત્રાલયે રચેલી સમિતિએ તેનો રિપોર્ટ સુપરત કરી દીધો છે. આ અગાઉ જાન્યુઆરીમાં મહિલા કુસ્તીબાજોએ બ્રિજ ભૂષણ સિંહ પર જાતીય સતામણીનો આરોપ લગાવતા જંતર-મંતર પર વિરોધ નોંધાવ્યો હતો.

વિનેશ ફોગાટે બ્રજભૂષણ સિંહ પર મૂક્યો હતો જાતિય સતામણીનો આરોપ 
વિનેશ ફોગાટે કુસ્તી ફેડરેશન ઓફ ઈન્ડિયાના પ્રમુખ પર મહિલા કુસ્તીબાજોની જાતીય સતામણી કરવાનો આરોપ મૂક્યો હતો. તેણે કોચ વિશે એમ પણ કહ્યું હતું કે તે જાતીય સતામણી કરે છે.