અત્યાચાર / Video: હાથકડી પહેરાવી, જમીન પર પછાડ્યો, અમેરિકાના એરપોર્ટ પર ભારતીય વિદ્યાર્થી સાથે અમાનવીય વર્તન, કહેતો 'હું પાગલ નથી'

એક બાજુ અમેરિકાના રાષ્ટ્રપતિ ડોનાલ્ડ ટ્રમ્પ ભારત સાથે સારા સંબંધોનો દાવો કરે છે ત્યારે બીજી બાજુ અમેરિકામાં ભારતીયો સાથે દુર્વ્યવહાર થઈ રહ્યો છે. અગાઉ અમેરિકામાં ભારતીયોને હાથકડી પહેરાવીને ગુનેગારો જેવો વ્યવહાર થયો હતો. એવામાં હવે ફરીથી અમેરિકાના નેવાર્ક એરપોર્ટ પર એક ભારતીય વિદ્યાર્થી સાથે દુર્વ્યવહારનો મામલો સામે આવ્યો છે. વિદ્યાર્થીને ડિપોર્ટ કરતા પહેલા, અમેરિકન અધિકારીઓએ તેને હાથકડી પહેરાવી અને તેને જમીન પર ઊંધો ફેંકી દીધો અને તેના ગળાને ઘૂંટણથી દબાવી દીધો.

પોલીસ અધિકારીઓ ભારતીય વિદ્યાર્થી સાથે ક્રૂર ગુનેગાર જેવો વ્યવહાર કરીને તેને ડિપોર્ટ કરતા જોવાનો એક વીડિયો સામે આવ્યો છે. સોશિયલ મીડિયા પર હજારો લોકોએ આ વીડિયો પર ટિપ્પણી કરી છે. ઘણા સોશિયલ યુઝર્સે ભારત સરકારને આવા કેસોમાં ધ્યાન આપવાની અપીલ કરી છે.

ભારતીય-અમેરિકન ઉદ્યોગસાહસિક કુણાલ જૈને વિદ્યાર્થી સાથે દુર્વ્યવહારનો આ વીડિયો સોશિયલ મીડિયા પર શેર કર્યો છે. તેને ભારતીય દૂતાવાસને આ મામલે હસ્તક્ષેપ કરવા વિનંતી કરી છે. જૈને સોશિયલ મીડિયા પર વીડિયો શેર કર્યો અને કહ્યું કે વિદ્યાર્થી રડતો રહ્યો અને કહેતો રહ્યો એ હું પાગલ નથી, પણ અધિકારીઓ તેની સાથે ગુનેગાર જેવો વ્યવહાર કરતા રહ્યા. તેને આ ઘટનાને માનવીય દુર્ઘટના ગણાવી છે.

ભારતીય વિદ્યાર્થી સાથે ખરાબ વર્તન

હેલ્થબોટ એઆઈના અધ્યક્ષ કુણાલ જૈને X પર લખ્યું, 'મેં ગઈકાલે રાત્રે ન્યુ જર્સીના નેવાર્ક એરપોર્ટ પરથી એક યુવાન ભારતીય વિદ્યાર્થીને દેશનિકાલ થતો જોયો. તેને હાથકડી લગાવવામાં આવી હતી અને ગુનેગાર જેવો વ્યવહાર કરવામાં આવ્યો હતો. તેમના દ્વારા શેર કરાયેલા વીડિયોમાં, યુએસ અધિકારીઓ ભારતીય વિદ્યાર્થીને ફ્લોર પર ફેંકી દેતા જોઈ શકાય છે.

કુણાલ જૈને વધુમાં જણાવ્યું કે વિદ્યાર્થી હરિયાણવી બોલતો હોય તેવું લાગતું હતું. તેને કહ્યું કે છેલ્લા કેટલાક અઠવાડિયામાં ભારતીયોને દેશનિકાલ કરવામાં આવ્યાના ઘણા કિસ્સાઓ સામે આવ્યા છે. તેનું કારણ એ છે કે તેઓ તેમની મુસાફરીનું કારણ સમજાવી શકતા નથી. વધુમાં લખ્યું, 'જો આ બાળકો કોઈ કારણોસર ઇમિગ્રેશન અધિકારીઓને તેમની મુસાફરીનું કારણ સમજાવી શકતા નથી, તો તેમને ગુનેગારોની જેમ પાછા મોકલી દેવામાં આવે છે. કેટલાક સમયથી, દરરોજ આવા 3-4 કિસ્સાઓ બની રહ્યા છે.

PAPD કરે છે ખરાબ વર્તન!

નેવાર્ક એરપોર્ટના વીડિયો અને ફોટામાં એક પોલીસ અધિકારી ટોપી પહેરેલો દેખાય છે જેના પર પોર્ટ ઓથોરિટી પોલીસ લખેલું છે. પોર્ટ ઓથોરિટી પોલીસ ડિપાર્ટમેન્ટ (PAPD) એ ન્યૂ યોર્ક અને ન્યૂ જર્સીમાં સેવા આપતી ટ્રાન્ઝિટ કાયદા અમલીકરણ એજન્સી છે. તે એરપોર્ટ, બંદરો, રેલ પરિવહન અને વર્લ્ડ ટ્રેડ સેન્ટર સંકુલમાં સુરક્ષાનું નિરીક્ષણ કરે છે. તે યુનાઇટેડ સ્ટેટ્સમાં પરિવહન સંબંધિત સૌથી મોટી પોલીસ ફોર્સ છે.

કેલિફોર્નિયાના જર્નલનો ટ્રમ્પ વહીવટીતંત્ર સામે વિરોધ

કેલિફોર્નિયાએ ટ્રમ્પ વહીવટીતંત્ર સામે દાવો દાખલ કર્યો છે. આ દાવો ગવર્નરની મંજૂરી વિના લોસ એન્જલસમાં 2,000 નેશનલ ગાર્ડ સૈનિકો તૈનાત કરવાના નિર્ણય સામે દાખલ કરવામાં આવ્યો છે. રાજ્યના અધિકારીઓએ આ પગલાને 'ગેરકાયદેસર' ગણાવ્યું છે અને કહ્યું છે કે 'આ પહેલાથી જ તણાવપૂર્ણ વાતાવરણને વધુ ખરાબ કરી શકે છે'.

વધુ વાંચો: ટ્રમ્પે તમામ મર્યાદાઓ ઓળંગી દીધી છે, જાણી જોઇને ઉભી કરી રહ્યા છે અરાજકતા, કેલિફોર્નિયાના એટર્ની જનરલે ટ્રમ્પ સામે દાખલ કર્યો કેસ

સોમવારે આ કેસ વિશે માહિતી આપતાં, કેલિફોર્નિયાના એટર્ની જનરલ રોબ બોન્ટાએ કહ્યું કે 'રાષ્ટ્રપતિ ડોનાલ્ડ ટ્રમ્પે પોતાની મર્યાદા ઓળંગી દીધી છે. તેમણે ગવર્નર ગેવિન ન્યૂસમની સંમતિ વિના સૈનિકો તૈનાત કર્યા છે.' બોન્ટાએ તેમના નિવેદનમાં કહ્યું, 'હું સ્પષ્ટ કરવા માંગુ છું કે, કોઈ હુમલો કે બળવો થયો નથી. રાષ્ટ્રપતિ જાણી જોઈને જમીન પર અરાજકતા અને કટોકટી ઉભી કરી રહ્યા છે, જેથી તેઓ પોતાના રાજકીય હિતોને પૂર્ણ કરી શકે.'

આ વીડિયો વાયરલ છે, જેની VTV DIGITAL કોઈ પુષ્ટિ કરતું નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ