અમેરિકા / 'આ ચીજ પર કોઈ ટેરિફ નહીં' ડોનાલ્ડ ટ્રમ્પનું મોટું એલાન, તરત ઘટી ગયા ભાવ, ભારતને ફાયદો

ટેરિફ વોરની વચ્ચે અમેરિકાના રાષ્ટ્રપતિ ડોનાલ્ડ ટ્રમ્પે એક મોટું એલાન કરીને ફરી પાછી દુનિયાને ચોંકાવી મૂકી છે. સોશિયલ મીડિયા પોસ્ટ દ્વારા ટ્રમ્પે એવું જાહેર કર્યું કે અમેરિકી સરકાર એક ખાસ ચીજ પર કોઈ ટેરિફ નહીં લાગે. હકીકતમાં ટ્રમ્પનું આ નિવેદન એવે સમયે આવ્યું છે કે છેલ્લા કેટલાક દિવસોથી એવી અફવાઓ ચાલી રહી હતી કે રાષ્ટ્રપતિ ટ્રમ્પ સોના પર ભારે ટેરિફ લાદવાના છે આ પછી, બુલિયન માર્કેટમાં અરાજકતા ફેલાઈ ગઈ. જોકે ટ્રમ્પે હવે આ ચીજ પર નો ટેરિફનું જાહેર કરી દીધું છે.

કઈ ચીજ પર નહીં લાગે ટેરિફ

ટ્રમ્પે એવું કહ્યું કે સોના પર કોઈ ટેરિફ નહીં લાગે. ઉલ્લેખનીય છે કે ભારતમાં સોનાની ખૂબ માગ છે ટ્રમ્પના આ નિર્ણયથી ભારતને ફાયદો થઈ શકે. વ્હાઇટ હાઉસના એક અધિકારીએ કહ્યું હતું કે ટ્રમ્પ વહીવટીતંત્ર ટૂંક સમયમાં એક નવી નીતિ રજૂ કરશે જે સ્પષ્ટ કરશે કે સોના પર આયાત ડ્યુટી લાદવામાં આવશે કે નહીં. આ પછી, બજારમાં અફવાઓ ફેલાઈ ગઈ અને બુલિયન બજાર અસ્થિર બનવા લાગ્યું.

વધુ વાંચો : 'બુરી આત્મા ભગાડવા 11 વાર 'સંભોગ વિધિ' કરવી પડશે' ઢોંગી તાંત્રિકે સગીરા સાથે 11 વાર દુષ્કર્મ આચર્યું

નો ટેરિફ એલાન બાદ સોનાના ભાવ ઘટ્યાં

ગોલ્ડ પર 'નો ટેરિફ' એલાન બાદ તેની અસર પણ પડી છે. બુલિયન માર્કેટમાં ચાલી રહેલા ઉથલપાથલ વચ્ચે સોનાના ભાવમાં જબરદસ્ત ઉછાળો જોવા મળ્યો હતો. જોકે, ડોનાલ્ડ ટ્રમ્પના નિવેદન બાદ સોનાના ભાવમાં ઘટાડો જોવા મળી રહ્યો છે. ઉલ્લેખનીય છે કે છેલ્લા કેટલાક સમયથી ટ્રમ્પ દુનિયાભરમાં ટેરિફ વધારી રહ્યાં છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ