કર્મીઓનો લાભ / મહિલા અને સિંગલ પુરુષ કર્મચારીઓ માટે કેન્દ્રનું એલાન, મળશે આ મોટો લાભ, રિટાયરમેન્ટને લઈને પણ વાત

• મહિલા અને સિંગલ પુરુષ કર્મચારીઓ લઈ શકે એક મહત્વનો લાભ
• 18 વર્ષ સુધીના બાળકોની સંભાળ માટે 730 દિવસની રજા લઈ શકે
• કેન્દ્રીય કર્મચારી રાજ્યમંત્રી જિતેન્દ્ર સિંહે લોકસભામાં જણાવ્યું

મહિલા અને સિંગલ પુરુષ કર્મચારીઓ એક મહત્વનો લાભ લઈ શકે છે. કેન્દ્ર સરકારના આજના એલાન બાદ આ વાતની ખબર પડી છે. કેન્દ્રીય કર્મચારી રાજ્યમંત્રી જિતેન્દ્ર સિંહે આજે લોકસભામાં જણાવ્યું હતું કે, મહિલા અને સિંગલ પુરુષ સરકારી કર્મચારીઓ 730 દિવસની ચાઈલ્ડ કેર લીવ માટે પાત્ર છે. 

18 વર્ષ સુધીની ઉંમરના બે બાળકોની સંભાળ લેવા માટે લઈ શકાય રજા 
મંત્રીએ કહ્યું કે સનદી સેવાઓ પર નિયુક્ત મહિલા અને સિંગલ પુરુષ સરકારી કર્મચારીઓ, સેન્ટ્રલ સિવિલ સર્વિસીસ (લીવ) રૂલ્સ, 43ના નિયમ 1972-સી હેઠળ 18 વર્ષ સુધીની ઉંમરના બે સૌથી મોટા હયાત બાળકોની સંભાળ લેવા માટે અને વયમર્યાદા ન હોય તેવી સંપૂર્ણ સેવા દરમિયાન વધુમાં વધુ 730 દિવસ માટે ચાઈલ્ડ કેર લીવ (સીસીએલ) માટે પાત્ર છે. 

સરકારી કર્મચારીઓની નિવૃતીને લઈને સરકારે શું કહ્યું 
મંત્રી જિતેન્દ્ર સિંહે બુધવારે કહ્યું હતું કે કેન્દ્ર સરકારના કર્મચારીઓની નિવૃત્તિની ઉંમરમાં ફેરફાર કરવાનો કોઈ પ્રસ્તાવ વિચારણા હેઠળ નથી. તેમણે સ્પષ્ટતા કરી હતી કે આવા કોઈ બિલને રજૂ કરવા માટે વાતચીત ચાલી રહી નથી. તે ઉપરાંત સેવા નિયમોની વિવિધ જોગવાઈઓ હેઠળ છેલ્લા ત્રણ વર્ષમાં 122 સરકારી અધિકારીઓને ફરજિયાતપણે નિવૃત્ત કરવામાં આવ્યા છે.