ક્રિકેટ / IPL 2024 ભારતમાં રમાશે કે વિદેશમાં? ચેરમેને કર્યું કન્ફર્મ, શિડ્યુઅલને લઈને આપ્યું મોટું અપડેટ

• ભારતમાં જ રમાશે આઈપીએલ 
• અધ્યક્ષ અરુણ સિંહ ધૂમલે કર્યું એલાન
• લોકસભા ચૂંટણીની તારીખો બાદ આઈપીએલનો કાર્યક્રમ 

ઈન્ડિયા પ્રીમિયર લીગ (આઈપીએલ) 2024 શરૂ થવામાં થોડા અઠવાડિયા બાકી છે. જો કે હજુ સુધી શિડયુલ જાહેર કરવામાં આવ્યું નથી. આઇપીએલની આગામી સિઝન અને લોકસભાની ચૂંટણીનો સમય લગભગ સરખો જ છે. આવી સ્થિતિમાં, એવી અટકળો લગાવવામાં આવી હતી કે ચૂંટણીને ધ્યાનમાં રાખીને, 17 મી સીઝનનું આયોજન વિદેશમાં થઈ શકે છે. પરંતુ હવે ફેન્સ માટે એક સારા સમાચાર આવ્યા છે. IPLના અધ્યક્ષ અરુણ સિંહ ધૂમલે બુધવારે પુષ્ટિ કરી હતી કે આઈપીએલ 2024 ફક્ત ભારતમાં જ રમાશે.

Jay shah is the best thing happened to the bcci !!

Conducted IPL in lockdown for the indians, Giving a Chance to Rohit Sharma for his heroics of World cup 2023.

He has made a promise that under Rohit Sharma india will win t20 world cup 2024.🔥pic.twitter.com/2pZ4zyqfiy

— ᴘʀᴀᴛʜᴍᴇsʜ⁴⁵ (@45Fan_Prathmesh) February 14, 2024

લોકસભા ચૂંટણીની તારીખો બાદ IPLનું શિડ્યુઅલ
ધુમલે આઈપીએલના શેડ્યૂલ વિશે પણ એક મોટું અપડેટ આપ્યું હતું. તેમણે કહ્યું કે 17 મી સીઝનનો કાર્યક્રમ સામાન્ય ચૂંટણીઓની તારીખો જાહેર થયા પછી જ જાહેર કરવામાં આવશે. ધુમલે આઈએએનએસને જણાવ્યું હતું કે, અમે ભારતમાં લીગ યોજાય તે સુનિશ્ચિત કરવા માટે સરકાર અને એજન્સીઓ સાથે મળીને કામ કરીશું. અમે સામાન્ય ચૂંટણીઓના સમયપત્રકની રાહ જોઈ રહ્યા છીએ અને પછી અમે તે મુજબ યોજના બનાવીશું. જેમ કે ચૂંટણી સમયે કયું રાજ્ય કોના મુકાબલાનું આયોજન કરશે. ચૂંટણી સમયે આવી યોજના બનાવવામાં આવશે. 

માર્ચના અંત સુધીમાં ટૂર્નોમેન્ટ શરુ થઈ શકે 
ધુમલે ખુલાસો કર્યો હતો કે ટૂર્નામેન્ટ માર્ચના અંત સુધીમાં જ શરુ થઈ શકે છે. તે (આઈપીએલ) સંભવત: માર્ચના અંતથી શરૂ થશે અને સામાન્ય ચૂંટણીઓ એપ્રિલમાં છે, તેથી અમે સરકારની મદદથી તેના પર કામ કરીશું. જણાવી દઈએ કે 2009માં લોકસભા ચૂંટણી દરમિયાન આઈપીએલની બીજી સીઝન દક્ષિણ આફ્રિકામાં યોજાઈ હતી. તે જ સમયે, 2014 માં સામાન્ય ચૂંટણીઓ સમયે, આઈપીએલનો પ્રથમ ભાગ સંયુક્ત આરબ અમીરાત (યુએઈ) માં યોજાયો હતો. આઇપીએલ 2024માં ચાર પ્લેઓફ સહિત કુલ 74 મેચ રમાવાની છે. દેશમાં સામાન્ય ચૂંટણીઓને કારણે આ ટુર્નામેન્ટ બે તબક્કામાં યોજાવાની સંભાવના છે.