કરજ / શું પાકિસ્તાન થઇ જશે નાદાર?, આ સર્વે જોશો તો તમારા પણ હોશ ઉડી જશે

દેવા પર નિર્ભર પાકિસ્તાનની સ્થિતિ દિવસેને દિવસે ખરાબ થઈ રહી છે. પાકિસ્તાન પોતાના લોકો અને દેશનો વિકાસ કરવાને બદલે દુનિયાભરમાંથી લોન લે છે અને તેને આતંકવાદ પર ખર્ચ કરે છે, જે આખી દુનિયાએ જોયું છે. પાકિસ્તાન દ્વારા જાહેર કરાયેલા આર્થિક સર્વેમાં ખુલાસો થયો છે કે પાડોશી દેશનું દેવું અત્યાર સુધીના ઉચ્ચતમ સ્તરે પહોંચી ગયું છે. આનાથી પાકિસ્તાનની નાણાકીય સ્થિતિ પર સંકટ વધુ ઘેરું બન્યું છે. પાકિસ્તાનના નાણામંત્રી મુહમ્મદ ઔરંગઝેબે સોમવારે (9 જૂન 2025) પોતાના દેશનો આર્થિક સર્વે 2024-25 રજૂ કર્યો.

માર્ચ 2025 સુધી પાકિસ્તાનનું દેવું કેટલું હતું?

એક અહેવાલ મુજબ, પાકિસ્તાને કહ્યું છે કે 31 માર્ચ, 2025 સુધીમાં તેનું કુલ દેવું 76,007 અબજ પાકિસ્તાની રૂપિયા (76 ટ્રિલિયન) સુધી પહોંચી ગયું છે, જે તેના ઇતિહાસમાં અત્યાર સુધીનું સૌથી વધુ દેવું છે. આનો અર્થ એ થયો કે ભારતીય રૂપિયામાં આ દેવું 23.1 ટ્રિલિયન રૂપિયા અને 269.344 યુએસ ડોલર છે. છેલ્લા ચાર વર્ષમાં પાકિસ્તાનનું આ દેવું લગભગ બમણું થઈ ગયું છે, કારણ કે 2020-21માં આ દેવું 39,860 અબજ રૂપિયા હતું. જ્યારે છેલ્લા 10 વર્ષમાં આ દેવું લગભગ પાંચ ગણું વધી ગયું છે.

પાકિસ્તાનનો GDP વૃદ્ધિદર ઘટશે

પાકિસ્તાન સરકાર દ્વારા જાહેર કરાયેલા આર્થિક સર્વેમાં જણાવાયું છે કે નાણાકીય વર્ષ 2025 ના પ્રથમ ત્રિમાસિક ગાળામાં પાકિસ્તાનનો GDP વૃદ્ધિ દર 1.37 ટકા, બીજા ત્રિમાસિક ગાળામાં 1.53 ટકા અને ત્રીજા ત્રિમાસિક ગાળામાં 2.4 ટકા રહેશે. આ સતત ત્રીજું વર્ષ છે જ્યારે પાકિસ્તાનનો GDP વૃદ્ધિ દર ખૂબ ઓછો રહેશે.

વધુ વાંચો: વકફ સુધારાથી લઈને ઓપરેશન સિંદૂર સુધી, મોદી સરકારના 7 મોટા અને મહત્વપૂર્ણ નિર્ણયો

મિત્ર દેશો સામે પણ પાકિસ્તાને હાથ લંબાવ્યો

પાકિસ્તાન રાહત પેકેજ માટે આંતરરાષ્ટ્રીય સંગઠનો તેમજ મિત્ર દેશો પાસે હાથ લંબાવે છે. પાકિસ્તાનના વડા પ્રધાન શાહબાઝ શરીફે તો ત્યાં સુધી કહ્યું હતું કે જ્યારે આપણે કોઈ મિત્ર દેશમાં જઈએ છીએ અથવા તેમને ફોન કરીએ છીએ, ત્યારે તેઓ વિચારે છે કે આપણે તેમની પાસે પૈસા માંગવા આવ્યા છીએ. તેમણે અગાઉ એમ પણ કહ્યું હતું કે નાની અર્થવ્યવસ્થાઓ પણ પાકિસ્તાનને પાછળ છોડી દીધી છે અને આપણે છેલ્લા 75 વર્ષથી ભીખ માંગવાનો કટોરો લઈને ભટકતા રહીએ છીએ.

ભારત IMF અને વિશ્વ બેંક સમક્ષ આ મુદ્દો ઉઠાવી રહ્યું છે કે પાકિસ્તાન ભારત વિરુદ્ધ આતંકવાદના ઉદ્દેશ્યોને પૂર્ણ કરવા માટે વિશ્વભરમાંથી મળતી સહાયનો દુરુપયોગ કરી રહ્યું છે. વિશ્વ બેંક અનુસાર, ભારતે તેના લોકોને ગરીબીમાંથી રેકોર્ડ સંખ્યામાં બહાર કાઢ્યા છે. બીજી તરફ, પાકિસ્તાનની લગભગ 45 ટકા વસ્તી ગરીબીમાં જીવી રહી છે, જ્યારે 16.5 ટકા લોકો અત્યંત ગરીબીમાં જીવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ