- WhatsApp ચેટ Google સ્ટોરેજનો એક ભાગ હશે
- 2018 પછી ફરી આ નિયમ લાવવામાં આવ્યો
- Google તરફથી 15 GB સ્ટોરેજ આપવામાં આવે છે
જો તમારી પાસે એન્ડ્રોઇડ ફોન છે અને વ્હોટ્સએપનો ઉપયોગ કરો છો તો કદાચ તમારા માટે ખરાબ સમાચાર છે. નવા નિયમ અનુસાર, હવે WhatsApp ચેટ પણ Google સ્ટોરેજનો એક ભાગ હશે. 2018 પછી ફરી આ નિયમ લાવવામાં આવ્યો છે. જે યૂઝર્સનું WhatsApp બેકઅપ વધુ છે, તેમને તકલીફ થઈ શકે છે. આ નિયમ આવ્યા પછી Google તરફથી 15 GB આપવામાં આવે છે, તેટલી સ્પેસ પણ પૂરતી નહીં રહે.
Google અને WhatsApp એ જાહેરાત કરી છે કે ,ડિસેમ્બર 2023થી, WhatsApp બેકઅપ Google દ્વારા પ્રદાન કરવામાં આવતા 15 GB ફ્રી સ્ટોરેજનો ભાગ હશે. જો તમારો ડેટા 15 જીબી કરતાં વધી જાય, તો તમારે વધારાનો ડેટા કાઢી નાખવો પડશે અથવા પૈસા ખર્ચવા પડશે.
- ગૂગલ યુઝર્સને 15 GB સ્ટોરેજ આપવામં આવે છે. એન્ડ્રોઇડ યૂઝર્સ Google Photos, Gmail અને તેમના ફોનનું બેકઅપ લેવા માટે આ સ્ટોરેજનો ઉપયોગ કરી શકે છે. યુઝર્સને વ્હોટ્સએપ બેકઅપની સુવિધા પણ મળે છે. વ્હોટ્સએપનું બેકઅપ ગૂગલ ડ્રાઇવમાં જાય છે, જે અત્યાર સુધી ગૂગલ સ્ટોરેજમાં એડ કરવામાં આવ્યું ન હતું.
- આ સુવિધાની મદદથી મોટાભાગના યૂઝર્સ તેમનું કામ કરી શકતા હતા. નવા નિયમને કારણે મુશ્કેલીઓ વધી શકે છે.
- જો તમારું બેકઅપ વધુ હશે તો Google પાસેથી વધારાની સ્ટોરેજ ખરીદો જે માટે તમારે દર મહિને ઓછામાં ઓછા 130 રૂપિયા ખર્ચવા પડશે. યૂઝરને દર મહિને 130 રૂપિયામાં 100 જીબી ડેટા મળશે. આ નવો નિયમ WhatsApp બીટા યુઝર્સ માટે આવતા મહિનાથી અને સામાન્ય યુઝર્સ માટે આવતા વર્ષના પહેલા છ મહિનામાં લાગુ કરવામાં આવશે.
- આ નિયમ લાગુ કરતા પહેલા, WhatsAppમાં યૂઝર્સને એક સૂચના મોકલવામાં આવશે. આ સૂચનામાં, યૂઝર્સને 30 દિવસની અંદર તેમના બેકઅપને મેનેજ કરવા માટે કહેવામાં આવશે.
જો તમારો ડેટા ખરેખર 15 GBથી વધુ હોય તો શું કરવું?
- WhatsApp બેકઅપની જરૂર ના હોય તો સેટિંગ્સમાં જઈને તે બંધ કરી દો.
- બેકઅપ રાખવું હોય તો મેનેજ કરો.
- વ્હોટ્સએપ બેકઅપ જરૂરી હોય તો ગૂગલ સ્ટોરેજ મેનેજ કરો.
