હવે શું.. / Paytm બંધ થઈ જશે તો FASTag નું શું થશે? તમારી પાસે પણ હોય તો જાણી લેજો, નહીંતર પસ્તાશો

• RBI એ Paytm પર કડક કાર્યવાહી કરતા મોટો નિર્ણય લીધો
• Paytm પેમેન્ટ્સ બેંકની અનેક સેવાઓ પર પ્રતિબંધ મુકાયો
• પેટીએમ ફાસ્ટેગને પણ ઍક્સેસ કરી શકશો નહીં 

રિઝર્વ બેંક ઓફ ઈન્ડિયા (RBI) એ Paytm પર કડકાઈ બતાવીને મોટો નિર્ણય લીધો છે. આ કાર્યવાહી બાદ Paytm પેમેન્ટ્સ બેંક લિમિટેડની કેટલીક સેવાઓને રોકવા માટે કહેવામાં આવ્યું છે, જેમાં Paytm FASTag નામ પણ સામેલ છે. FASTag એ ઇલેક્ટ્રોનિક ટોલ કલેક્શન સિસ્ટમ છે. જો તમારી પાસે FASTag નથી, તો તમારે ડબલ ટોલ ટેક્સ ચૂકવવો પડી શકે છે. હવે સવાલ એ થાય છે કે 29 ફેબ્રુઆરી પછી Paytm FASTagનું શું થશે? બુધવારે આરબીઆઈએ ડિજીટલ પેમેન્ટ અને ફાઈનાન્સિયલ સર્વિસ કંપની પેટીએમની બેંકિંગ શાખા પેટીએમ પેમેન્ટ બેંક લિમિટેડ પર નવા ગ્રાહકોને જોડવા પર પ્રતિબંધ મૂક્યો છે.

શું છે RBIનો નિર્ણય?

Paytm Payment Bank Ltd નવા ગ્રાહકોના ઉમેરા સાથે PPBL 29 ફેબ્રુઆરી 2024 પછી કોઈપણ વપરાશકર્તાને ગ્રાહક ખાતા, વૉલેટ અને ફાસ્ટેગમાં ડિપોઝિટ/ટોપ-અપ સ્વીકારશે નહીં.

Paytm બંધ નહીં થાય

આરબીઆઈએ પેટીએમની પીપીબીએલ શાખાની સેવા પર કાર્યવાહી કરી છે, જેના પછી વર્તમાન વપરાશકર્તાઓ 1લી માર્ચથી અથવા તે પછી પેટીએમ વોલેટમાં પૈસા જમા કરી શકશે નહીં, આવી સ્થિતિમાં તમે પેટીએમ ફાસ્ટેગને પણ ઍક્સેસ કરી શકશો નહીં કારણ કે Paytm ફાસ્ટેગનું પેમેન્ટ Paytm વોલેટમાં કરવામાં આવે છે. તે તેમાં જમા કરાયેલા પૈસામાંથી કરવામાં આવે છે. તમે Paytm થી લોન વગેરે લઈ શકશો નહીં. જોકે, આ સમયગાળા દરમિયાન UPI પેમેન્ટ અને અન્ય સુવિધાઓ મળતી રહેશે.

વધુ વાંચો : મોદી સરકારના શાસનમાં સોનાના ભાવમાં 126 ટકાનો થયો વધારો, શું છે સોનાની કિંમત વધવા પાછળનું કારણ?

29મી ફેબ્રુઆરી પછી Paytm FASTagનું શું થશે?

આવી સ્થિતિમાં સવાલ એ થાય છે કે શું 29 ફેબ્રુઆરી પછી Paytm FASTag બંધ થઈ જશે? આરબીઆઈની માર્ગદર્શિકા હેઠળ, તે સ્પષ્ટ છે કે વપરાશકર્તાઓ Paytm FASTag રિચાર્જ અથવા ટોપ અપ કરી શકશે નહીં. Paytmની પેરન્ટ ફર્મ One97 Communications Limited (OCL) એ સ્ટોક એક્સચેન્જને નિવેદન આપ્યું છે. તેમણે કહ્યું કે આરબીઆઈની માર્ગદર્શિકા બચત ખાતાઓ, વોલેટ્સ અને ફાસ્ટેગ્સ અને એનસીએમસી કાર્ડ્સ પર કોઈ અસર કરશે નહીં. જોકે, કંપનીએ હજુ એ નથી જણાવ્યું કે તેનું FASTag કેવી રીતે કામ કરશે?