આસ્થા / શું તમારી કુંડળીમાં પણ છે આ યોગ? તો જગતમાં થશે મોટું નામ, જાણો શું કહે છે જ્યોતિષ શાસ્ત્ર

• જેની કુંડળીમાં ચામર યોગ બનતો હોય તે ખૂબ જ ભાગ્યશાળી હોય છે
• ચામર યોગનું નિર્માણ કેવી રીતે થાય છે
• આવો જાણીએ ચામર યોગથી થતા લાભ

વૈદિક જ્યોતિષ અનુસાર ગ્રહોની ચાલને કારણે શુભ તથા અશુભ યોગનું નિર્માણ થાય છે. અનેક યોગને કારણે વ્યક્તિનું ભાગ્ય બદલાઈ જાય છે. અનેક અશુભ યોગને કારણે વ્યક્તિ બરબાદ થઈ જાય છે. જે જાતકોની કુંડળીમાં ચામર યોગ બનતો હોય, તે વ્યક્તિ ખૂબ જ ભાગ્યશાળી માનવામાં આવે છે. ચામર યોગનું નિર્માણ કેવી રીતે થાય છે અને તેનાથી શું લાભ થાય છે, તે અંગે અહીંયા જાણકારી આપવામાં આવી છે. 

ચામર યોગનું નિર્માણ

• જે જાતકોની જન્મ કુંડળીમાં લગ્નેશ ઉચ્ચ રાશિમાં હોય અને ગુરુ ગ્રહની વિશેષ દ્રષ્ટી હોય તો ચામર યોગનું નિર્માણ થાય છે. ચંદ્રમાને પહેલા ભાવના સ્વામી માનવામાં આવે છે અને તેમની ઉચ્ચ રાશિ વૃષભ છે. જો તેમના પર ગુરુ ગ્રહની દ્રષ્ટી હોય તો ચામર યોગનું નિર્માણ થાય છે. 
• જન્મ કુંડળીમાં ગ્રહ લગ્ન ભાવમાં સ્થિત હોય અને શુભ ગ્રહ લગ્નેશ અથવા શુભ ભાવમાં બિરાજમાન હોય તો ચામર યોગનું નિર્માણ થાય છે. 
• જન્મ કુંડળીમાં શુક્ર ગ્રહ બીજા, પાંચમાં, આઠમાં અથવા અગિયારમાં ભાવમાં સ્થિત હોય તથા ગુરુ પ્રથમ સ્થાન પર હોય તો ચામર યોગનું નિર્માણ થાય છે. 

ચામર યોગથી લાભ

• કોઈ વ્યક્તિની કુંડળીમાં ચામર યોગનું નિર્માણ થાય તો તે વ્યક્તિ બુદ્ધિમાન અને દૂરદર્શી માનવામાં આવે છે. 
• આ પ્રકારના જાતકો રાજનીતિમાં વિશેષ સ્થાન પ્રાપ્ત કરી શકે છે. 
• તેઓ દીર્ઘાયુ હોય છે અને સરકાર તરફથી પુરસ્કાર પણ આપવામાં આવે છે. જે જાતકોની કુંડલળીમાં ચામર યોગ હોય તેઓ સારા લેખક પણ હોય છે. 
• તેઓ સ્પષ્ટવાદી અને લોકોની મદદ કરવામાં સૌથી આગળ હોય છે. 
• ખૂબ જ ઓછા સમયમાં પ્રસિદ્ધિ મેળવે છે. 
• વેદ અને શાસ્ત્રોનું જ્ઞાન હોય છે.