મસ્કનો યુ-ટર્ન / આ Elon Musk કરે છે શું? Twitter Blue સબસ્ક્રિપ્શન માટે હવે ફરી પાછું નવું એલાન, યુઝર્સ પરેશાન

• કંપની બ્લૂ ટીક ફીચરને આવતા અઠવાડિયાથી શરૂ કરશે
• હાલમાં બ્લુ ટિક સબસ્ક્રિપ્શન પ્લાન પર રોક લગાવી છે 
• પહેલા લાંબી પ્રક્રિયા બાદ મળતું બ્લુ ટિક

ટ્વિટરે હાલમાં બ્લુ ટિક સબસ્ક્રિપ્શન પ્લાન પર રોક લગાવી દીધી છે અને આ નિર્ણય ત્યારે લેવામાં આવ્યો જ્યારે કંપનીના આ ફીચરનો ફાયદો ઉઠાવીને ફેક એકાઉન્ટ્સે પણ બ્લુ ટિક લઈ લીધું હતું અને એ પછી એમને ફેક સમાચાર ફેલાવવાનું શરૂ કર્યું હતું. જણાવી દઈએ કે તેના કારણે ઘણી કંપનીઓને ભારે નુકસાનનો પણ સામનો કરવો પડ્યો હતો. 

પણ હાલ મળતા એક નવા રિપોર્ટમાં કહેવામાં આવી રહ્યું છે કે ટ્વિટર બ્લુ ફરી શરૂ કરવામાં આવી શકે છે અને કંપની બ્લૂ ટીક ફીચરને આવતા અઠવાડિયાથી શરૂ કરશે અને તેનો ચાર્જ પહેલાની જેમ દર મહિને $8 હશે. જણાવી દઈએ કે ટ્વિટરના માલિક એલન મસ્કે જ આ વિશે જાણકારી આપી છે. વાત એમ છે કે એક ટ્વિટર યુઝરે મસ્કને પૂછ્યું હતું કે ટ્વિટર બ્લુ ક્યારે ફરી શરૂ થશે અને તેના જવાબમાં એમને કહ્યું હતું કે આ ફીચર આવતા અઠવાડિયા સુધીમાં ફરી ચાલુ થઈ જાય એવી આશા છે. જણાવી દઈએ કે નકલી એકાઉન્ટ પર બ્લુ ટિક મળ્યા બાદ કંપનીએ શુક્રવારે ટ્વિટર બ્લુ સબસ્ક્રિપ્શન ફીચર બંધ કરી દીધું હતું. 

Probably end of next week

— Elon Musk (@elonmusk) November 13, 2022

પહેલા લાંબી પ્રક્રિયા બાદ મળતું  બ્લુ ટિક
આ પહેલા ટ્વિટર બ્લુ ટિક માટે પબ્લિક ફિગર એટલે કે રાજકારણી, અભિનેતા, પત્રકાર હોવું જરૂરી હતું અને  એ પછી પણ લોકોને વેરિફિકેશનની લાંબી પ્રક્રિયામાંથી પસાર થવું પડતું  અને બધુ બરાબર જોવા મલર પછી જ તેમનું ટ્વિટર એકાઉન્ટ વેરિફિકેશન થઈ શકતું હતું પણ હવે ટ્વિટર બ્લુ ફીચર સાથે લોકોએ સબસ્ક્રિપ્શન ચાર્જ ચૂકવીને તેમના એકાઉન્ટ પર બ્લુ ટિક લેવાનું શરૂ કર્યું. જણાવી દઈએ કે આનો ફાયદો ઉઠાવીને લોકોએ કંપનીઓના ફેક એકાઉન્ટ બનાવીને ફેક ટ્વિટ કરવાનું શરૂ કર્યું હતું અને તેના કારણે કંપનીઓને ભારે હાલાકી ભોગવવી પડી હતી. 

I love when people complain about Twitter … on Twitter 🤣🤣

— Elon Musk (@elonmusk) November 10, 2022

જણાવી દઈએ કે ટ્વિટરે આ ફીચર યુએસ, યુકે અને અન્ય દેશોમાં 9 નવેમ્બરથી શરૂ કર્યું હતું અને તેની કિંમત $7.99 રાખવામાં આવી હતી, આ સાથે ઉપરાંત વેરિફાઇડ બેજ યુજર્સને મફતમાં આપવામાં આવી રહ્યો હતો. આ ઉપરાંત ભારતમાં તેની કિંમત 719 રૂપિયા હોવાનું હાલ કહેવાય રહ્યું છે.