ટ્વિટર / બંગાળમાં મમતા વિજયની ભવ્ય 'હેટ્રિક' તરફ, ત્યારે જુઓ કંગના રનૌતે વિડીયો શેર કરીને શું કહ્યું?

• કંગના રાનુયાતે કર્યું ભાજપનું સમર્થન 
• ભાજપ ફરીથી વાપસી કરશે
• ભાજપને એકવાર હરાવનારા ખુશ થઈ જાઓ : કંગના 

બંગાળમાં આજે ચૂંટણી પરિણામો આવી રહ્યા છે, અત્યાર સુધીના ટ્રેન્ડસમાં જ્યાં 200થી પણ વધુ બેઠકો પર TMC લીડ બનાવી ચૂકી છે, ભાજપ 75-85ની વચ્ચે સીટો પર લીડ કરી રહ્યું છે, અહીં બધાજ એક્ઝિટ પોલ ખોટા પડ્યા છે, અને પીએમ મોદી તેમજ ગૃહમંત્રી શાહની મેજિક જોડીએ ભાજપની સીટો તો વધારી આપી પણ સરકાર બનાવવામાં અને મમતા બેનરજીના પગ ઉખાડવામાં નિષ્ફળ રહ્યા છે, આ મામલે બોલિવૂડ અભિનેત્રી કંગના રનૌતે પ્રતિક્રિય આપતા કહ્યું છે કે ભાજપની હાર જરૂર થઈ છે, પણ ખુશી મનાવી લો કેમ કે ભાજપ જરૂરથી વાપસી કરશે. 

Ha ha ha what is amusing now hyenas having a field day,even though BJP performed well every where but still after very long they got an opportunity to corner him, enjoy your day.
But remember he will rise again like he always does ... #BengalElection2021 #Bengal pic.twitter.com/QuQt27qF7D

— Kangana Ranaut (@KanganaTeam) May 2, 2021

કંગનાએ વિડીયો શેર કર્યો 

કંગનાએ પોતાના ટ્વિટર એકાઉન્ટ પર એક વિડીયો શેર  કર્યો છે કે જેમાં હાઈનાનું એક ઝૂંડ એક સિંહની તરફથી ઝડપથી વળી રહ્યું છે, પરંતુ સિંહની ગર્જના સાંભળીને ફરીથી પાછું જતું રહે છે, આ વિડીયો પર કંગનાએ લખ્યું છે કે જુઓ હવે શું થઈ રહ્યું છે, ભાજપે દરેક જગ્યાએ સારું પર્ફોર્મન્સ આપ્યું, પણ એક લાંબા સમય પછી તેમને ભાજપને એક ખૂણો દેખાડી દેવાની તક મળી છે, ખુશી મનાવો, પણ યાદ રાખજો કે ભાજપ જલ્દીથી જ સત્તામાં વાપસી કરશે. 

એકબાજુ કંગનાએ આ તવત કર્યું જો કે તેને રીએક્શન પણ મળી રહ્યા છે, કોંગ્રેસ નેતા સની મહેતાએ લખ્યું કે એવું લાગી રહ્યું છે કે એકબાજુ ભાજપ, ED,CBI,EC,મીડિયા, કંગના એનએ એકબાજુ માત્ર મમતા બેનરજી. 

એક્ઝિટ પોલ્સ ખોટા પડ્યા

મહત્વનું છે કે આ ચૂંટણીમાં મમતા બેનરજી અને ભાજપની વચ્ચે મજબૂત હરીફાઈ દેખાય તેવા એક્ઝિટ પોલસ સામે આવ્યા હતા, જો કે બધાને ખોટા પાડીને સતત ત્રીજી વાર તેઓ સત્તામાં વાપસી કરી રહ્યા છે, અને બીજી વાર 200થી વધુ સીટો મેળવી શકે તેવી શક્યતાઓ છે. મહત્વનું છે કે ભાજપના સૌથી મજબૂત પૈકીનાં એક કહેવાતા એવા શુભેન્દુ અધિકારીને તેમના જ ગઢ નંદીગ્રામથી મમતા બેનરજીએ હરાવી દીધા છે.