ચોમાસું / દક્ષિણ ગુજરાતમાં ભારે વરસાદથી મળશે રાહત, પણ ગુજરાતમાં આ જિલ્લાઓમાં અતિભારે વરસાદની આગાહી

• રાજ્યમાં અતિભારે વરસાદની આગાહી
• હવામાન નિષ્ણાંત પરેશ ગોસ્વામીની આગાહી
• દરિયા કાંઠા વિસ્તારમાં અતિભારે વરસાદ થશે

ગુજરાતના અનેક વિસ્તારોમાં વરસાદ ધબધબાટી બોલાવી રહ્યો છે. સૌરાષ્ટ્ર સહિતના અનેક વિસ્તારમાં અતિભારે વરસાદે તારાજી સર્જી છે. ત્યારે રાજ્યમાં હજુ અતિભારે વરસાદની આગાહી હવામાન નિષ્ણાંત પરેશ ગોસ્વામીએ કરી છે.  પરેશ ગોસ્વામીએ કહ્યું કે, દરિયા કાંઠા વિસ્તારમાં અતિભારે વરસાદ થશે

પરેશ ગોસ્વામીની આગાહી
હવામાન નિષ્ણાંત પરેશ ગોસ્વામીએ જણાવ્યું કે, વેરાવળ, જૂનાગઢ, માણાવદર, પોરબંદર, દ્વારકા, ઓખા, માંડવી, કચ્છમાં ભારે વરસાદ થશે. વધુમાં આગાહી કરતા જણાવ્યું કે, દક્ષિણ ગુજરાતમાં વરસાદનુ જોર ઘટશે અને અમરેલી, જૂનાગઢ, મોરબીમાં મધ્યમ વરસાદ રહેશે. સુરેન્દ્રનગર, રાજકોટ, ગાંધીનગર, અમદાવાદ, આણંદમાં સામાન્યથી મધ્યમ વરસાદની આગાહી કરાઈ છે.

'ઉત્તર ગુજરાતમાં સામાન્ય વરસાદ રહેશે'
પરેશ ગોસ્વામીએ જણાવ્યું કે, નડિયાદ, ખેડા, વડોદરામાં સામાન્યથી મધ્યમ વરસાદની આગાહી કરr છે. ઉત્તર ગુજરાતના બનાસકાંઠા, સાબરકાંઠામાં સામાન્ય વરસાદ રહેશે જ્યારે દક્ષિણ ગુજરાતમાં વરસાદનું જોર ઘટશે તેમજ દરિયા કાંઠા વિસ્તારમાં અતિભારે વરસાદની શક્યતા વ્યક્ત કરી છે.

હવામાન વિભાગની આગાહી
હવામાન વિભાગના જણાવ્યા અનુસાર, આજે વલસાડ, દમણ, અમરેલી, ભાવનગર, જૂનાગઢ, ગીર સોમનાથમાં ભારે વરસાદની શક્યતા છે. જ્યારે સુરત, તાપી, ડાંગ, ભરૂચ, વડોદરા, છોટાઉદેપુર, દાહોદ, પંચમહાલ, ખેડા, આણંદ, અમદાવાદ, ભાવનગર, નર્મદા, અરવલ્લી, મહીસાગર, બનાસકાંઠા. સાબરકાંઠા, પાટણ, મહેસાણા, ગાંધીનગર, બોટાદ, સુરેન્દ્રનગર, રાજકોટ અમરેલી, કચ્છ, મોરબી, જામનગરમાં મધ્યમથી ભારે વરસાદ વરસી શકે છે.